نوارس مقيدة

القيد الرابع عشر

بنات لا تنسن تضيفن القصة الجديده #الوصيفه

موضوعها جديد ومختلف واكيد راح يعجبجن

والي بعدها ما متابعتني ع الأنستا خل اتابعني وتفاعلن على الستوري والمنشورات لأن التفاعل جاي يموت حماسي كلش قليل
تحياتي الجن
"

مايرجع عزيز بكلبي من يروح..
الكطن مال الجنايز مايصير مخاد💔.

#نوارس_مقيدة
#نسرين_الاسدي

________

عذراء

عفت الغده وركضت بره وطاح كلبي وانه اشوفن نرجسه طايحه بالكاع والدم تارس وجهه...

_______

بثينة

وصلنة للمجمع وهذنِ راحن لقسم القرطاسية والكتب وامي كعدت وكالت : يمه امجد انه مابيه افتر وراهن انته اتمشه وراهن وروحو لمحل لعبي وخلتشتري ولا تطولون ..

امجد : بعيوني ام بثينة.

حليمة : لا تيبين العباية باكثر من 25 مو يضحك عليج لا كلج ب26 لا تيبينها

خرب خخرب امي دوم مفشلتني تصيح بعلو صوتها هسه لوادم شتكول عليه : خوش يما صار بس اسكتي فضحتيني..

حليمة : ويعه بشنو فضحتج غير ماريد يقفصونج..

جنان : حبابه تانينه وراديلج.. تحركي

تمشينه وامجد ورانه.. شوي بطئت بمشيي علمود اضل امشي بصفه بس شوي عنه.. وجنان ضلت جدامنه..

همس بحب وهوا منزل راسه : شلونج؟

رديت عليه وانه مستحية والعب بصابيعي : بشوفتك كل الخير بيه..

امجد : يبعد ههلي انتي.. انه البارحه ذبيت رمل بالبيت ان شاءلله رح ابدي ابني ..

بثينة : الله يڰويك وان شاءلله تخلص كلشي..

امجد : ان شاءلله واجي اتقدملج واخطبج.. بس انه بعدني متردد خافن اهلج ماينطونج الي.. انه والله احبج ورايدج عله سنة الله ورسولة..

بثينة : لا لاتكول هيج .. ليش ماينطوني الك.

امجد : واضح بثينة انه واحد مو من مستواكم وعله كد حالي ..واشتغل عدكم وانتي بت شيوخ..

بثينة : انه احبك امجد وماعليه بيهم.. وانته لا تكول هيج ان شاءلله مايعراضون ومحمد يعرفك انته شنو..

امجد : ان شاءلله كل الخير .. رفع عيونه بوجهي وابتسم وهمس : احبج..

عضيت عله شفتي بخجل ونزلت راسي وانه احس طايرة الكاع ماشايلتني .. فزيت من فرحتي عله جنان وهيه تكض ايدي : ديلا فضيني لا يجنه البغداديات ويخبصنه ..

دخلنه لمحل العبي وشتريت وطلعنه.. وكبل لا نرد يم امي ..صاحلي باسمي التفتله وقدملي علبة صغيرونه بسرعه ضميتها بعلاكة العباية وكملنه مشينه.. شترينه جم شغلة ورجعنه لامي