نوارس مقيدة

القيد التاسع عشر

يـاا فشلتــي كبـال ࢪوحـي . .
جـني ذاك السـاطيـטּ ࢪبعه عله بيتـه.

#نوارس_مقيدة
#نسرين_الاسدي
__________

عذراء

رجعت خطوات ليوره وبلعت ريگي .. وكتله بخوف : ها جا شسويت انه..

اتقربلي بخطوات بسيطة وكال بحده : ولجج شلون تدنكين جدام الباب وهوا مفتوح وصدرجج كله طالع

فتحت عيوني مصدومه : ياا شبيك جا غير انته لجنت بالباب ..وهمين ماطالع شي مني

سسيف : ثوله انتي لو تستثولين ولج بله مو انه بله واحد من الولد

عذراء : هسه شبيك بس تصيح محد جان وهمين علمود نرجسة انه لا تتعور قابل عمدا رحت..

مسح عله وجهه واستغفر .. وانه اندعي ما احصلي راشدي.. طلع وسمعته يحجي وي محمد ..حمدت ربي مانكتلت وحضرت هدومه بلحمام.. نيمت ادم

نرجسة تمشي هليام وماتنكض بس اغفل عنها الكاها بالحمام لو ع الدرج .. وهسه هم ماهي .. طلعت بسرعه ماكو ع الدرج وغرفة البنات مسدودة اصلا كلهن جوه ..

معقولة نزلها وياه سيف؟ افف ياربي وين راحت .. صحت بأسمها وردت انزل لدرج سمعت صوتها تدردم من غرفة سولاف وسمر .. فتحت الباب شفت شايلتها سمر تلاعبها وسولاف صافنه ..ثنينهن باوعلي ..

عذراء : شسمه جنت ادور عله نرجسة ..

نزلتها سمر بالكاع وكالت وهيه عاوجه حلكها : روحي نرجسة روحي لا امج عباله حبوكج مثل ماعبالها بكت ابوج..

سولاف : انجبي سمر شهلحجي حيوانه..

سمر : ليش جذبت مو صدك اتهمتني اني احب سيف واريد اخذه منها ..

عذراء : من تصرفاتج ولشفته حجيت انه

ـسمر : انجبي ششفتي مني حاضنته لو بايسته ودتحجين هيج...

كامتلها سولاف وكضتها من ايدها وخزرتها وهيه تكلهه بعصبية : سمررر شهلحجي شهلالفاض شبيج تخبلتي ..وهمين ليش تتجاوزين عليها مو اكبر منج

سمر : اكبر مني اي بس لميستاهل الاحترام ماحترمه..

عذراء : من تربيتج الزايده هاي .. وهمين انه ماحجيت شي غلط سالفة ذاك اليوم علمود حجايتج وشوفت عينج الكل لامني ووكف وياج ومحد كلج حجايتج غلط..

سمر : وليش يحبيبي يوكفون وياج اني شحجيت؟ كلت مشتاقتله لسيف كفرت شنو

كلش نرفزتني بُدي اكتلها.. بس سولاف ماقصرت ضلت تحجي عليها وتكلها هذا لشي غلط وماعرف شنو . انه شلت نرجسة وطلعت بره الغرفه .. استغفرك ياربي ..

دخلتها للغرفة وشغلت التلفون وخليتها تباوعله..

دخل سيف وراح للحمام وشوي وصاحلي .. رحتله وكال : تعاي ولج فركيلي ضهري مابيه حيل ميت تعب..