نوارس مقيدة

القيد العاشر

البارحة شگد ضجت
حسيت جاي انسة ،
من حچوا بيك وبقة
لون الوجه نفسةه .
#عَـلجࢪح💔.

#نوارس_مقيدة
#نسرين_الاسدي

_______

عذراء

رجعت وصار ضهري ضد لباب وكتله : والله اطلع ومارجع بس تريد تكتلني..

سيف : يهو كلج اريد اكتلج؟

عذراء : جا شتريد،؟

سيف : اريد ان.....

كضيت يدة الباب ردت افتحه صاح بيه : هيي وين مولية تعاي كتلني الوصخ ماسويلج شي تعاي

التفتله وهوا مبتسم ابتسامته الاستفزازية ويباوعلي بنضرات خبيثه ..تمشيت عله كيف وكتله : ماتسويلي شي مو؟

سيف : وج انه وين بيه احرك روحي يلا تعاي ..

رجع راسه عله المغسلة الوراه .. وتدنيت يمه ونزعته فانيلتهه يممه شصاير بصدرة وضهره ماينشافن من الشضاي كله شون الجوويات يخوف شكلهن...

بديت اغسل راسه وهوا مايكعد راحه كلساع لو كارصني لو جار دشداشتي .. شالي ضايڪني كضيت ونزعته وجنفت رداناتي ومغلسة عنه وعن سوالفة ..

سيف : اخخ يابويه تدرين لو البارحه طايحه بين ايديه لو يجي ابوج من كبرة مايخلصج .. بس بختج بمحمد

عذراء : ان شاءلله اموت وكتها رح ترتاح مني وانه هم ارتاح

كرصني بنهاية بطنيي حيييل نززني .. صحت : اخخ هاي شبيكك

سيف : ووجع لا تكولين اموت امداج

خليت الشامبو عله راسه وبديت افرك شعرة : انته تكرهني وشابعني كتل المن ضاله؟ وفروخي مايعتازوني الحمدلله كلها تريدهم ورح يربونهم

سيف : جا وگلبي؟

عذراء : شبي گلبك؟

سيف : يموت بلياج..

عذراء : هههههه ضحكتني سيف انته تكرهني يومين الفاتحه تنساني.. وانه اروحلي هناك يم ربي ويم امي وابوي

سيف : ولعباس من الطمج عله حلكج بت النعال بكيفج هيه تموتين وتعوفيني؟

عذراء : اصلا انه رح اموت عله ايدك وتذكر حجيي

سيف : اخخ يابويه يمكن هيج تاليها.. بس عبالج اضل عايش؟ لا والحسن اموت وراج لان ماكدر اتخيل روحي اعيش بدنيا مابيها عذرائي...

عذراء : لا انته تكرهني من اموت ترتاح مني وانه هم ارتاح بعد ماانڪتل ولا شي و..

سيف : اذا ماسكتي رح انسه روحي مريض واحطج واكتلج من صدك..

سكتت عنه وضليت اغسل بشعرة وبله ماانتبهه نزل الشامبو عله وجهه جاي اغسله وطاح بعينه صاح بيه : بت النعال عينيي راحتت