نوارس مقيدة

القيد الثالث والثلاثون

الله من يعوّضنا ينسّينا إحنه شنو خسرنا أصلًا 🪴.

#نوارس مقيدة
#نسرين الاسدي

___________

عذراء

ضلت ايدينه على ڰلوبنه والصياح عالك بره .. دخل سيف وعيونه تجدح نار .. اجه يمي وحضن خدودي بايديه وكال وعيونه بعيوني

: عذرائي لا تخافين انا بضهرج سيفج بضهرج ..لبسي عبايتج وطلعي جدامهم لا تخافين وعلي محد يدنالج وانا يمج..

نزلت دموعي وشهكت : ماطلع اخاف..

سيف : اششش اششش ماريدج تجيبين طاري الخوف انا يمجج

كض ايدها وسحب عباية امه ولفاها عليها وطلعو .. شوي مشه خطوات عن الباب .. اجه اتقدم الها ماضي وعيونه تجدح نار من العصبية ..

سحبها سيف مخليها وره ضهره وكال بصوت حاد : وحك علي ليدنالها يحسب اليوم اخر يوم اله .. عذراء مرتي وحبيبتي وام جهالي ولو تحلمون ماتجيسون شعره من شعرها .

ماضي : انطيناااها جيبهااا خنعلمهاااا

جاسم : ها ولج عذيرة ببيتنه وتضحكين علينه وتلعبين بكيفج ساقطة كح...

سيف بصياح : احتررررم روححك ولك وحاجيها بأدددب ..

ماضي : وحك علي ياعذيرة ذبحج على ايدي لو اخر يوم بعمري اذبحج اذبحج

جاسم : اي وحك الله ياعذيرة لا عبالج نعديها الج سلامات ..

سيف : تفرحون رواحكم بأحلامكم تكضونها

ماضي : نكضها وجدام عيونك تنذبح هاي العار بت العار الماعرفنه نربيها عدل

جاسم : يرادلها تربيه وكسر ضهر بت الجلاب هاي

دخلني ورجع سد الباب .. وضلو يحجون وصياح تالي شتغلت السيارات وراحو .. وشوي ودخلو محمد وسيف وعمي وصادق .. سيف يصيح ومحمد يريد يسكته ماسكت..

سيف : كتلكككك لا تدخلل محمد هاي المره الطلقه رميتها تهديددد المره الجاية ببين ؏ـيونه وحك علي .. عباله انطيها اله يحلللممم وعلييي

ابو صادق : انعلل الشيطان خنشوف شيردووون منهاا

محمد : ترا ماكووو شي ينحل بالصياح والعرك

سيف : لا هذوله مايفيد وياهم بس الصياح وعذررراء على كص ركبتي يلا تطلع الهم ..

محمد : اسكت اسكت كافي يلا

سيف : مااسكت هوا مو كال نتبره منها يلا خل يتبرون والله متخليها تعتاز الهم بفضل الله ان شاءلله انا اصيرلها كلشي ..

مشه لعذرائه ومسح دموعها وبلع ريگه كايل بحنية : حبيبي لا تبجين وداعت عيونج الأحبهن ما يكدرون يجيسونج ابد

عذراء : س..سيف لا ك..كتلوني جهالي باريهم الله ع..عليك

سسف : اششش اشش محد يجيس شعره منج محد يكتلججج فاهمممهه اسڪتييي