نوارس مقيدة

بارت اضافي

هلو حبايب واليوم بارت من يوميات حسب ماطلبتن .. بسم الله وقراءة ممتعة..

شـِفت بيك العُمر استاهِل تبچيًني ؟.

#نوارس_مقيدة
#نسرين_الاسدي

___________

زُمرد .

صباح يوم عطلة .. الصوبة مشتغله والجهال ملتمين يم الحجية وهيه تسولفلهم .. عمي والولد هم موجودين.. الكل كاعد بالأستقبال والضحكه طالعه لبره لبيت .. أجواء كلش حلوه ..

واكفه احضر بالريوك ودخلن رسل وسولاف جانن يخبزن.. يضحكن سوه ..

سولاف : عليج العباس رسل .. اخ يابويه متتت ههههههههه

رسل : ولعباس .. ثول ثولج فضحتينه سدي حلكج

زمرد ؛ ها ان شاء الله دوم هاي الضحكه

رسل : ها ولج مستغربة شني

سولاف : حقها تستغرب اني مستغربه منه هههههه

رسل : وجعه كافي فكيتي حلكج انلصمي

سولاف ' ولج ماكدر هههههههههه

رسل : يبوي هسه يجي ابو علي يصيح صوتجن

زمرد : شبيج سولاف

تحجي وعيونها مدمعه من الضحك : ولج محمد هلكان الضاهر متعبينه ههههههههه

رسل : سم سم ولج سكتي وعلي ماحجيلج شي بعد

زمرد : اكيد وحده تغار من الثانيه وتردن ليليه هلكتن الرجال

رسل : جا شني يروح لسويليفه ويجيني تعبان اريد انام مو بكيفه

سولاف ' وانه هم شني يجيني تعبان خو ماكو شي

زمرد ' ههههههه الله يساعده عليجن..

ضلينه نضحك وسولاف ولزمتها الضحكه كلساع فكت حلكها ..

هنه هيج رسل وسولاف من يوم ما كبروا الجهال وحسن سوالف الضراير ما تفيد صارن متفقات على كلشي
الطلعات كل جمعة لوحده والزيارات يرحون سوه واول ما يدخل للبيت اي وحده منهن تستقبله عادي والثانية تجهزله الأكل وجان هذا احسن قرار يسونه لأن بعدن عن المشاكل ودوخة الراس..

ولجهال دوم رسل تساعد سولاف عليهم تغسل ملابسهم تخليلهم اكل .. الحمد لله محد جان متوقع يتصافن ..

اجه منتضر اخذ السفره فرشها واحنه ضلينه ننقل بلاكل .. ورهوفه ويانه حبيبتي ..

منتظر : عمي انه عندي حجي وياك على علي

علي : شو تشكه علي جدامي ماتستحي

محمد : تأدب علي .. احجي بويه منتظر اسمعك

منتظر::عمي انته مو معلمنه ماانقص من قدر غيرنه ونعيره

محمد : اي بويه