نوارس مقيدة

القيد الخامس عشر

حبني مو بس بالسوالف
السوالف ماتهمني ،
المواقف هي الي تحَدد
وانت بيهن فشلتني .

#نوارس_مقيدة
#نسرين_الأسدي

____

عذراء

خليت ايدي عله صدره وبلعت ريگي وكتله : وخر.

خزرني وكال : ليش؟؟

عذراء : شسمه بس اشرب دوه واجي..

سيف : خير يبا دوه مال شنو؟

عذراء : ها هوا مال هاي

سيف : شلون تريدني اسطرها احجي عدل وعوفي الثول

عذراء غمضت عيوني وكتله بسرعه : دوه علمود ماصير حامل.

سيف : شنو يهو جابه الج؟

عذراء : امي والحجية كالن ..

سيف : ماعليج بيهن وانسي الدوه ..

عذراء : ليش تريدني احبل؟ ادم بعده صغير..

سيف : لا بس خليها وراي..

عذراء : شسمه ولله الحجية تحلفت بيه كالت اذا ماخذيتي اطيح حضج..

سيف : هسه يمكن انا اريد جهال شعليها الحجية؟ انجبي ويلا سكتي..

عذراء : ماراح تخليني اشرب؟

سيف : اخليج تشربين بس مو دوه..

عذراء : شنو؟

دنك يم اذني وهمسلي .. ردت اطفر وهوا ضحك وكال : انجبي مو تردين الحجة علمود تطفرين.. وهمين عوفي سالفة الدوة خليها وراي متحبلين..

عذراء : صدك شلون؟

سيف : تردين اشرحلج بطريقة علمية لو بطريقتي ..

عذراء : مادري بكيفك..

سيف : العلمية ماتفيدج لان انتي عقلج محجر.. وطريقتي رح اشوفجياها افعال.. وغمزلي..

_____

زمرد :

نيمت الجهال غيرت هدومي واجيت انام .. الحبالة مخليتني كلساع انام ..سمعت الباب ..كمت خليت شال على راسي وكلت :منو؟؟

صادق :انه.. فتحي الباب

كلش استغربت من جيته لأن هو من يوم عرسه بعد ما اجه لغرفتي.. فتحت الباب وهو دخل بسرعه باوع للجهال والي وكال : الليلة اريد انام يمكم

زمرد : هه ليش مليت من عروستك شني؟

راح كعد على الجربايه :لا مو مليت منها بس انتي هم مرتي والج حگ عليه

زمرد :ههه ضحكتني.. مشكور اذا تريد تنطيني حگي ماريده متنازله عنه

صادق :مو بكيفج تتنازلين عنه.. انه اريد اعدل بيناتجن حته ربي ما يحاسبني.. واخلي يوم الج ويوم الها ..

زمرد :ما تقصر بس ماريد يومي انته كلك الها وانه اعتبرني ماكو وكاعده اربي فروخي وبس

كام وكف كدامي : هذا الحجي يفيدج.. انه قررت وهاي هيه وها ماكو بعد كل واحد بمكان انتي مرتي وام ابني مادري بتي .. وخر شعري عن ركبتي وكمل بهدوء ..ولازم تنامين يمي مو بعيده عني