نوارس مقيدة

الخاتمة (كسر القيود)

تلاگينا مُطر وتراب واحد مات بلثاني ،♡

#نوارس_مقيدة
#نسرين_الأسدي

____________

زمرد

راحت عمه حليمة جابت بثينة يمنه لان بحدهي بالبيت ..وكالت : من ال12 خابر سيف لامجد وراح بس ماكلالي محمد متصاوب..

ام محمد : سوده بويهي ولجن ابني راح يروح من ايديه ماخابرونه ماكالو ماطممنونه اخخ ياكلبي جندوب تتحمل شوغاتت اخخ يايمه ياحميد اخخ

البيت كله دخل بحالة توتر وقلق وبجي .. البنات ورسل كطعن رواحهن من البجي حالتهن مو احسن من حالة عمتي ..

جريب الاذان وسمعنه صياح من بره .. كمنه كلنه مفزوعات.. ودخل سيف وصادق يصيح وراه : غيررر نفتهمممم اووكففف

سيف : وروووحح ابويي ماوكف اذاا ماخليت دمهممم يترسس الكاع فلااا اطلع اخوو محمد انااا .. ولكك انه يكتلوون اخووي واضل ساكتتتت

صادق : عبالك مامحرروكه گلوبنه

سيف : دوخررر عنيييي قندرااا

راح بسرعه للمخزن وللمكان الي يخلون بي سلاحهم .. سحب التفكه وخلاها بيده وطلع

لاكاه صادق وعاط بي : ادررري شيككضه بعددد

ماجاوبه سيف وطلع وهوا غادي نار من العصبية سمعنه صوت زلم بره وعرفناهم ولد عموميتهم وهم كلهم يتحلفون للجانو السبب بحالة محمد ..

كلهم شخطو سيايرهم وراحو وره سيارة سيف لان محد يعرف يهو الرامي ..وكف سيف ونزل وسلاحه بيده وصلو وراه وبدو يرمون على بيت اخوت عذراء خلو الصريخ ماله والي .. كلها ترمي بحركة گلب..

وسيف يرمي ومنضر محمد المتروس دم كدام عيونه رجفة ايده ونغزة گلبه وهوا يشوف اخوه يطيح جثه هامده ماراح من باله..

وكفو رمي وصاح سيف باعلى صوته : شوووفووو ولككمم كوا...يد انتم كلكم وعشيرتكم كلها ترحووون فدووه لكطرت دم طاحت من اخوي .. وهاي البداية لا عبالكم اسكتلكم.. امشووونه

ركبو سيارتهم ورجعو نص للبيوت ردو الاسلحة ونص وي سيف للمستشفى ...

______

سولاف :

نايمة وشفت نفسي اني ومحمد والجهال بمكان شبه مهجور مكان يخوف وظلام بكل مكان ما عدنه غير ضوء ضعيف نشوفه من بعيد
مشينه وحاولنه نوصله اني شايله حسن وحسين ومحمد لازم ايد علي ويتمشى كدامنه.. وقبل لا نوصل للضوه
منحس الا اسد كلش جبير طلع من كدامنه مكشر انيابه وشكله يرهب
راد يهاجمنه ومحمد دفع علي يمنه وعاط : شردي سولاف..
ضليت بمكاني حاسه رجلي تجمدت ومكدرت اتحرك وشفت الأسد هجم علي واكله
عطت بصوت عالي : محمدددد

فزيت من نومي مرعوبه دموعي نازله واتنهد بخوف ارياكي ناشفه وگلبي دينبض بكل قوته

لزمت كاسة المي ردت اشرب بس رجفة ايدي وكعتها ونكسرت