نوارس مقيدة

القيد الثامن و العشرون

جميع الامور بأتت "لاچمه گليبي لجم!"

#نوراس مقيدة
#نسرين الاسدي

____________

عذراء

كمت من فراشي وانه اتنهد بتعب للمره الالف يجي سيف بحلمي ومايحجي .. شنو الي يريده ماادري مايحجي شي بس " مشتاقلج " ويصفن بوجهي ويروح .. افف يالله.. يمكن لان افكر بي اي يمكن...

نزلت كلعادة لكيت الكل كاعدة بالصالة يم الحجية صبحت ونص ردن ونص لا .. اصلا مامهتمتلهن.. خذت امي ادم وضلت تريكه..

ام محمد : يمه زمرد مو عدج لقاح روحي لا ماخذاج صادق انه اخذنج

زمرد : مو شرط يمه

ام صادق : علمود بتنه مو علمودج.

الحجية جانت تشرب جاي عافته وكالت : جا شكد صار عليج؟

زمرد : دخلت بالسادس

الحجية : يما بسرعه تمشي الايام هيج .. نزلت دموعها وكالت بغصه : يمه شهر مر وسويف مو بيناتنه، والله ماحسينه بالايام ..شونك مالونك مانيي ببالك يايمه ماتكول اهِلي يشتاكولي .. ماتشتاكلنه وتشتاك لفريخاتك يايمه..

ام محمد : اخخ ياسويف يايما هيج يهون عندك تعوفنه وتمشي..

ام صادق : يهو كالها تروح ياعمه يهو كالها تطلع وطلعتك صير الاخيره..

حليمة : احنه ماحطينالنه جنه بيها خير هاي الفكر عذيره سبوعين وجسحت زلم ثنين مابيهم شي وهسه الهويشه العدنه من طبت لليوم ماصار شي بي خير بلبيت..

جواهر : هذا امر ربج هنه شعليهن..

حليمه : لا عيني اكو ناس رفجتهم فكر

عذراء : رح ترتاحون مني ماضل شي

حليمة : خافن ببالج تاخذين لفروخ وترحين شلي هلحجي من راسج .. ولج يلفكر بس روحج بالطلعه بالجذب مابجيتي عله ريلج شي ماصدكتي راح ..

عذراء : ما مكابلتني وكاعدة وتعرفين شنو الاسوي وليصير بيه..

هديوه : بدون محد يكابلج ويكعد مبين المقهور ومبين لمرتاح وانتي جنج مرتاحه من سيف

عذراء : ارتاح من يروح ارتاح من يجي هذا شي بيناتنه لا تدخلين اهتمي لابنج الي رح يجي وعوفي السوالف لمابيهن نفع .. ترا لولادة توصلج للموت ديري بالج لا ياخذج ربج وانتي عله سوالفج..

ام صادق : ليش ولج شكالتلج وطفرتي بويهاا مالج رداد

هديوه : اي والله يمه لو كارصه بغرفتها لو تنزل تعارك..

عذراء : هسه صرت مكروها لان اعرف مو

هديوه : ا..انجبي ش..شقصدج

عذراء : الايام جاية وكلشي ينكشف ..

حليمة : خاب وبله ملتهيه بلعرك ولي وليي شوفتج تغث صعدي لغرفتج لا بارك الله بيج