من بعد مادخلو أوس لحبس الانفرادي باش يتهدن ... هزو هداك خاينة اللي كيگولو ليه كانيطا حيت غليظ وقصير وفي وجهو وااحد ضربة كبيرة باينة لمهم هزووه داوه مرابع لإيرجونص ... دگدگو أوسمان وعرف كيفاش يدگدگو حتى ولا كيبان بحل دايز عليه تراكتور ... خلاه شرويطة نييت ... اما عند أوس فراااه كان مزااال جاهل وكيضرب في لباب وكيقول ليهم : حلووو .. ليوم نقتل زاا*ل بوه ... حلووو ... باغيي يقتلني انا نوري لق*بة مو شكووون اللي غيقتل لاخر ( وكيخبط في لباب بقوة الاعصاب اللي ركبو فيه اما الحراس مخلينو كيغوت ومقدروش يدخلو عندو حيت كان جاااهل بالمزيان لدرجة عرووقو تجبدو وبانو هكاك خضرين وعينيه تگلبو ولاو حمريين ولا داير بحال شي وحش)
عند ليلى اللي كانت غادة لحانوت تجيب لخبز باش يتعشاو حتى كتحس بقلبها بحال الا تعصر وتزير عليها كأن شي إيد شداتو وعصراتو بقوة .. وقفات وشدات في جيهت قلبها وتطبطب عليه وكتقول : خير .. خير انشاء الله
بقات على ديك لحالة حتى حسات بلي ولات شوية وكملت طريق لحانوت
ليلى : سلام عليكم
الكل : وعليكم السلام
ليلى : با لعربي ارى واحد جوج خبزات وقرعة لمونذا هاديك ديال تفاح وقيد عندك في لكناش
با لعربي : وتي ابنيتي منهار عقلت عليك ونتي تگولي قيد في لكناش ... زعما مايجيش نهار اللي لقا عندك لفلوس واخا ها عشرة
ليلى ميقات فيه 😒: ياك بعدا لواليدا كتخلصك ... مالك اشبغيتي
با لعربي : وبغينا ندوقو فلوسك نتي زعما
ليلى : اممم .. دوق فلوسي ... بانو ليك حلوة ... ارى .. ارى تقضية خليني نمشي دغيا راه ليل هذا
عطاها لخضرة ونتراتها ليه بجهد وغادة وتبرگم وتدعي فيه ... وهي غادة كتحس بشي وااحد تابعها تلفتت مالقات حتى حاجة ... خافت وزربت بالمشية ونفس شي كتسمع شي خطواات وراها ... عاودت تلفتت مالقات والوا يله كانت غتزيد وهي تحس بشي إيد جبداتها من ذراعها وجاراها .. ملي تحققات مزياان شكون مول لفعلة لقاتو بايو بدات كتنطر ليه من إيديه وكتقول : منصف ... طلق مني ... بعد مني ... طلق ولا نجمع عليك عباد الله
بايو مامسوقش ليها مخليها كتنطر وغادي جارها حتى وصلو لواحد قنيتة مدرگة على العباد وحاصرها بإيديه وقال بخبث : غي غوتي مكاين اللي عاونك ... ولا نسيتي نفكرك داك خونا اللي ديما كيعتقك مني راه كيتگلاصا في الحبس
ليلى بعصبية : شوف امنصف ولا بايو ولا منعرف لجدك ... عرفتي الا مابعدتيش دابا وخليتيني نمشي داكشي لدار لييك هو ملي كان خاارج غنديرو ليك انا 😉
بايو غي سمعها اش گالت وهو يتعصب ومارضاش حتى وجهو ولا حمر خنزر فيها مزياان وقال من تحت سنانو : بصح ... وورينا ألالا حنة يديك
أنت تقرأ
الغرام المستحيل
Açãoالقصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜 نتمنى القصة تنال اعجابكم و دعموها 😘
