القصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜
نتمنى القصة تنال اعجابكم و دعموها 😘
في وااحد الحي من الاحياء الشعبية بامتياز 👌 كتواجد منزل البطلة ديالنا اللي كاينة حاليا في غرفة النوم ديالها كتطل من الشرجم و كتشووف في القمر و كتخمم فيه اه فيه و شكون من غيرو اللي حارم عليها النعاس اللي حتا في نومها كتحلم بيه فارس احلامها هو اللي كتحماق و تمووت عليه هو اللي الا طلب روحها تعطيها ليه بلا ما تردد ❤ هو اللي اسمو محفور في قلبها و صورتو مكتخرجش من عقلها هو حبيبها و غرامها اللي مستحيل 💔
في حين البطلة ديالنا عقلها و قلبها غارقين في تفكير في حبيبها حتى كتسمع صوت تهراس في الكوزينة و خرجات من احلامها الوردية اللي اكيد البطل ديالها هو 😉 قفزاات و خرجاات كتجري الكوزينة خايفة على الام ديالها لقاتها دايرة ايديها على قلبها و كتقول جميلة: ارسول الله ارسول الله :مااالك ا يما ياك لباس جميلة: لا والوا باس ا بنتي غي الله يحفظ هاد الكاس طاح ليا من يدي :يكما طرات ليك شي حاجة ليديك جميلة: لا بنتي متخفيش ما وقع والوا كانت مها بغات تجمع الجاج ديال الكاس او هي توقفها و قالت ليها :لا ا يما غي خلي داكشي انا غنجمعو نخليو البطلة ديالنا تجمع الجاج و اجي نتعرفو عليها
ليلى هي البطلة ديالنا بنت اية من الجمال غزااالة مشاء الله اللي يشوفها تعجبو و يتمناها ليه بخلاف البطل ديالنا طبعا
نوصفها ليكم ليلى كتميز بالبشرة البيضة ديالها كي الحليب و الشعر الطويل الاسود حتى المؤخرة ديالها بحكم انها كنحماق على الشعر طوييل و ايضا ليلى كتمتاز بعينيها اللي بحال الفتنة الواحد ما يسخاش يهبط عينيه عليها بقوة جمالهم ❤ بحكم انهم كبار و كحليين و مرمشين و عندها رموش كثيفين و طواال سبحان الله 😍 غي عينيها بوحدهم فتنة اما لاطاي عندها عادية كيفها كيف البنات اللي في سنها بحكم انه يله في عمرها 16 سنة
ساكنة هي و ماماها غي هي اللي عندها من بعد موت الاب ديالها سي احمد و هي في عمر السادسة من عمرها اكيد عناو من بعد موتو بحكم سند البيت توفى و حتى مامها كانت مرة و نص تحزمات و تقاتلت و حربات زمان على قبل طرف ديال الخبز
ليلى ❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نمشيو لبلاصة خرى فين كاين البطل ديالنا اللي گالس في واحد القهوة مع صاحبو الانتيم سعد سعد : و فين هاد الغبور اصاحبي من دفنوه ما زروه و لا حنحن بصوت رجولي خشن و قال : غي مع الوقت
هذا هو اوسمان كلامو قليل و فعلو كثير معندوش مع كثرة الهضرة و كثرة جموع الا دويتي معاه يجاوبك على قد سؤالك ما يزيد ما ينقص كيتميز بذكاء حاد و جمال غير طبيعي سبحااان من خلقو و شخصية القوية و ما كيبغيش اللي يعاود هضرتو جوج المرات اه و ماكيحملش اللي يقول اووووف و لا يخ و لا لي هز عليه صبعو اساسا گاع اللي تجرأو و داروها صبعهم عواج بالهرسة اللي دار ليهم اوسمان 😂 اوسمان كلمة زويين قليلة في حقو بحكم انه عندو واحد طاي مشاء الله كلشي مستف في بلاصتو لي زابدو هامشتيين مابغاهم حد 😂😂 و دراع كل واحد فيه 30 كيلو ههه عندو واحد المشية كلها هيبة و كبرياء اما واحد الصوت ينوض الراقد كيتميز ببشرة بيضة و شعر شوية غادي الاشقر بحكم انه شهب كيشبه لماماه اما عينيه شوفة فيهم تخليك تسهى من جمالهم و فنفس الوقت تخاف منهم بنظرة الحادة اللي فيهم و الوشام اللي في صدرو و ايديه عاطيه واحد الجاذبية خاصة اوسمان 😍😘
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
البطل ديالنا عايش هو و مو راضية من بعد ما هرب عليهم باه و خلاها منها ليه لا حنين لا رحيم من تم او هو حاقد على الوضعية يموت و يتسطا على ماماه هي روحو او حتى ماماه واحد المرة طيبة و جيدة و تموت على ليلى بحكم انهم جيران دار مقابلة مع دار او شرجم مقابل مع شرجم
من بعد ما كمل البطل ديالنا القهوة ديالو مع صاحبو سعد حط الخلاص و ودعوا و زاد لدارهم
هو غادي في الطريق ليلى دايزة من تم كانت عند صاحبتها وجدان
هي مع الهزة اللي غتهز راسها شافتو اه شافتو الحبيب ديالها امير احلامها
منقدرش نوصف ليكم باش كتحس القلب ديالها كتحس بيه غيخرج من صدرها و يزيد عندو نفس مابقاتش قادرة طلعها و قفات حيت حسات براسها غطيح في حين هو غادي مكمل طريقو حاني راسو ماشفهاش
دارت بقات كتشوف فيه حتى دخل لدارهم في حين هي عينيها دغيا عمرو بدمووع و كتطلب من الله انه يكون من نصيبها 😢
من بعد مادخل اوسمان عند ماماه راضية ستقبلاتو بابتسامة زوينة كتريحو هو و تخليه يبتسم ليها راضية: جيتي ا كبدتي أوس : اه ا مي و باس على راسها و يديها راضية: الله يرضي عليك ا ولدي و يحفظك ليا اوس: امين اميمتي راضية : سير اولدي تغسل يديك و اجي تعشا مشا اوس حيد صباطو و بدل حوايجو بسرفيط كحلة و غسل يديه و برك مع ماماه باش يتعشا
