وقف أوس سيارة قدام شقة سعد نزل منها وطلع فالأسنسور لعندو دق لباب وحل عليه سعد عريان من لفوق لابس غي سروال دسيرفيط گري شاف فيه باستغراب من مجيئو وقال
سعد : أوسمان!!
دفعو أوس ودخل ديريكت تلاح على سداري معندو گانة لهدرة ... تبعو سعد لقاه داير يديه تحت راسو وسارح كيخمم قطعو من شلال أفكارو ملي جلس حداه وقال : أش تم
ناض أوس تقاد في لبركة وجبد لگارو شعلو وبدا كينثر منو ودخان داير ضبابة عليه وقال بصوت رجولي حزين : رجع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سعد بعدم فهم : رجع؟ شكون رجع
ضحك أوس باستهزاء : هه شكون ... تيق بيا أنا براسي معرفتش شنو غنسميه ليك
سعد بحال الا بدا يشك لا يكون عرف برجوع باه : وضح كلامك اصاحبي متبقاش تهدر بالالغاز
شاف فيه أوس وقال بحقد : راجل لواليدة
سعد بصدمة وتردد : كتقصد باك ... واش شف..تيه
هز فيه حاجبو وصغر عينيه : واش كنتي عارف ومخبي عليا
سعد : أوس أنا...
أوس قلب طبلة بعصبية : نتاااا شنوووو ها شنوو عارفو رجع وملي كنت كنقول ليك مي معرت مالها حسيت بيها مبدلة ومخبية شي حاجة ومبغاش تگولها نت شنو كنتي كتقول (ضحك بسخرية ) لا غي كيجيب ليك الله ولا عقلك كيخيل ليك
سعد : راه خالتي راضية لي قالت ليا منقول ليك والوا حتى تصارحك هي
أوسمان بانفعال : كنت كنصحابك صاحبي ولي كاينة كتقولها ساعة صدقتي بحالهم مفيكش الأمان
سعد سرط ريقو وقال بنبرة حزينة : أنا مكنتش غنخبي عليك كون موعدتش ماماك
غمض أوس عينو بنفاذ صبر وقال : من إمتى ونت عارف
حنحن سعد بتوثر وقال : ملي كنتي نت فالحبس وبالضبط فاش تضربتي بالموس
قرب ليه أوس وقال : هاد الوقت كامل ونت عارف وساكت لا تبارك الله عليك هادي هي صحبة وإلا فلا
سعد بانفعال : كنتي مرييض ومقدرتش نزيد علييك واش مكتفهامش وحتى هذاك لي راك محاملوش كون مكانش هو كوراك ميت دابا
أنت تقرأ
الغرام المستحيل
Actionالقصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜 نتمنى القصة تنال اعجابكم و دعموها 😘
