سلاما للذين يقولون لنا كلاما جميلا غير محبط حين نسقط ، للذين اذا وجدوا فينا جرحا طيبوه ، أو حزنا مسحوه ، للذين لا يجيئون الا بلسما،للذين حضورهم حب وكلامهم خير ،للذين يرممون ما تبقى من أمل داخلنا .. فنخضر🍃 و نورق🌿 ونزهر ⚘ونثمر 🌹ويبقى أجرهم على الله❤
في القهوة بارك أوس وحاط قدامو كأس القهوة كحلة قاصحة ☕ وجنبها كاس دلما ومرة مرة كيهزها يجغم منها وحداه سعد حتى هو حاط قدامو نفس طلبية أوس وعلى ملامحو الانكسار والهم وباينة عليه سهير من الهلات السوداء تحت عينيه وعقلو سارح كيخمم وراسو فيه ضجيج وضايع ماعارف مايدير ... حنحن أوس خرجو من تأملاتو ونطق : غتبقى ساكت
سعد بصوت مرهق : شنو بغيتيني نقول
أوس بجدية : داكشي لي شاغل بالك
سعد تنهد بقوة ومسح على راسو وقال : راسي غيتفرقع بقوة تفكير مابقيت عارف ماندير حاس براسي ضايع ومابقيتش عارف أشمن وجهة غناخذ
أوس شاف في بنظرة شنو سباب ونطق : اختاصر
سعد بنظرة انكسار : لواليد جمد حسابي لي فالبنك وتبرأ مني وجردني من گاع حقوق الملكية بمعنى أنني وليت غريب على عائلة اليزيدي ومابقيتش منهم
أوسمان تصدم : واشنو سبب
ضحك بسخرية وقال : هه السبب ... السبب هو أني مابغيتش نتزوج بديك القح*ة ديال بنت شريكو في أسهم الشريكة وقال ليك إلا تزوجت بيها أملاك عائلة اليزيدي غتبقى في تصاعد وغضاف ليها أملاك عائلة القصبي حيث معندهمش وريث ذكر
أوس : ونتا شنو قررتي
سعد بضياع : معرفتش معرفتش باقي عقلي دايخ ( دار تلفت عندو وقال ) شنو بان ليك نتا
أوس : إلا مالقيتيهاش كيما بغيتي بغيها كيما لقيتي
سعد بعدم فهم : المعنى
أوس بغموض : المعنى غتفهمو نتا ملي تبرك مع راسك وتفهم مزياان
حرك سعد راسو بالايجاب وقال : منقدرش نتخلى على وجدان وفنفس الوقت منقدرش نتخلى على اسم العائلة صعيب صعيب بزااف
أوس : كنظن مزال محتاج لوقت باش تزيد تفكر وتعرف شنو باغي واش وجدان ولا اسم العائلة وثروة ولكن ماتخطي خطوة حتى تعرف حسابها مزيااان لأنها غتكون حياتك لغتعيشها من هنا لقدام
ركز بنظرو لشارع كيفكر في كلام أوس لي كان على صواب وتاه في أفكارو من جديد ... شتت نظرو صدفة لزاوية اخرى وعينو شافت مباشرة فوجدان لي كانت مقابلة معاه وعلى ملامح وجهها الانزعاج وهي كتهضر مع دراري لواقفين معها وكاينين حتى جوج بنات مقدرش يتعرف عليهم لأن وحدة عاطيا بظهر وثانية حتى هي مقابلة معاه مي معمرو شافها داكشي لاش معرفهاش ... شاف في أوس وقال كأنو كيتأكد بلي هي نيت : واش هذيك وجدان ولا جاب ليا الله
أنت تقرأ
الغرام المستحيل
حركة (أكشن)القصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜 نتمنى القصة تنال اعجابكم و دعموها 😘
