ناض هاااز لموس ديالو ومشا مورااااه وهز يديه حتى الاعلى ونزلها على أوس حتى شهق أوس بألم .... وغوت بااعمااار بسميت أوس بجهد ... تلفت أوس شاااف فيه وعينيه دم معصووور فيهم ... شنق عليه رغم الالم اللي كيحس بيه في ظهرو الا وانه حاالف حتى يفديها فيه حتى هو ليووم وميخليهاش فييه وإلا بغات ديك ساعة تجي لموت غي تجي ... قجو من عنقو وتم غادي بيه بخطواات بطيئين بيه بلورانية ... ولاخر كيتنطر باش يطلقو ويضرب في إيديه ... ولكن أوسماان بقوة الاعصااب اللي شادينو مابقاش عاقل على راسو وحتى ضربة نساااها ولا كيبان ليه غي هو فهاد ساعة يطير ليه راسو من بلاصتو ... زدح أوس كانيطا مع لحيط وهو مزاال مزير ليه على عنقو وهزو علقو بكل قوة وهو مقاشعش قدامو ومامديهاش في دم اللي كيتكب منو بغزارة من ظهرو .. كأنو ترفع عن العالم لدرجة أوس عرقو طرساو ليه في لحمو كااامل والعرق نااازل حتى تريكوه الابيض لصق ليه على لحمو وفزگ بالعرق ودم اللي خارج منو ووجهو ولا حمر بالعصير في كانيطا .. هاد الاخير اللي كان كيتركل وعينيه خااارجين ومقادرش يطلع نفس ولا يهبطها ودفااال خارج من فمو ووجهو تعصر بالمزياان ولعرق تكون ليه حبيبات في جبهتو ... حتى تمو داخلين الحراااس اللي مشاو زربانين باش يلحقو كانيطا قبل ماتخرجو رووح ... بداو كيجرو في أوس بكل جهدهم وهو مكنزز معاهم مابغاش يطلقووو ... زاااد ضاعف العداد ديالهم وبلا نتيجة ... هنا عرفو بلي إلا ماخدموش العنف معاااه غيولي قاتلو ... لذالك هزو لعصي ديالهم وبداو كيضربو في أوس بجهد بااش يطلقو ... غوت أوس بألم مللي ضربووه في بلاصة ضربة وزادو واحد اخر ضربة قااصحة لراااس ... حتى بدااات يديه كترخف بشوية بشوية على كانيطا حتى طاااح أوسماان مغيب ودم هاابط معاه واااد ... وطااح حدااه حتى كانيطا فاقد الوعي ... ناااضت روينة في الحبس ... حتى كلشي بداا كيتجرى لجيهة زنزانة وكيطالوا وكيبانو ليهم ثلاثة لكسدات منشورين ... وشي كيسول في شي ... وكثر القيل ولقال وكلها يلغي بلغاه ... وعلى فمهم غي طاااحت شي بطانة ( طاحت شي روح ) ... جااات الاومبيلونص كتوطوط وقفت قداام باب الحبس ودخلو المسعفين كيجريوا بالحملات ... باعماار مسكين موسد أوس على حجرو وكيبكي علييه جاو بغاو يهزوه وهو يشد فيهم وقال بتنخصيص : هااالعاار اوليدي لما عتقوووه هئ ... هاااد لكفاارة بالله ماتهناو حتى قتلوه هئ هئ
المسعف بتطمين : كون هاني الحااج انشاءالله نديرو مافجهدنا
حرك باعمار راسو ودموعو نااازليين عليه ... كيحس بحاال الا غيفقد ولدو ... مع ان مكتجمع بيناتهم حتى صلة دم أو قرابة ... الا ان قدر أوس يدير مكاانة كبيرة في قلبوو
هزوهم ومشاااو بيهم كيجريو ... وگاع لبوليس لي كانو في عكاشة تكبوو تم وعاد خللي لحباسة مزااحمين كيطالو وكيدافعو باش يديرو بلايصهم ويرضيو فضولهم ... حتى بدااات كتسمع ليهم غي صوت صافرة 🚨 غادة بيهم
كانو غاديين في سيارة سعد من بعد ماسالات زياارة في اتجاه لباهية باش يوصلهم ... راضية كااانت باركة حداه والبنات گالسين اللور كيدويو بهمس على تصرفاات أوس ليي تبدلو وكيفااش تعامل معاها ... وشوفة بايو الغير المتوقعة ... اما سعد كاان مرة مرة كيخطف شوفة من لمراية ديال لوطو في وجدان وكيتبسم ... عمرو ظن انه يتغرم بشي وحدة شي نهاار كاان عندو لبنات غي لعب يشد وحدة ويطلق وحدة .. كان عشاق وملاال ... حتى نهاار اللي بانت وجدان في حياتو طاح طيحت لعما في ظلمة في حبها ... تنهد بحب اتجاهها .. حتى شافت فيه حتى هي من لمراية لقاتو كيشوف فيها ... خجلت وحدرت راسها ... تبسم وقرر مع راسو انو خاصو يعتارف مابقاش قادر يصبر على بعدها ... فيقو من سهوتو غير راضية اللي كاانت شادة في قلبها ومبقاتش قادرة تنفس ... داس على لفران بجهد حتى تسمع صوت وداار لعندها مخلوع .. ولبنات حلو لباب دغيا نزلو عندها وحيدو ليها حزاام سلامة ... وسعد مشا يجري جاب لما من صندوق طنوبيل وشربها ورشها شوية ... عاد بدات تنفس
أنت تقرأ
الغرام المستحيل
Actionالقصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜 نتمنى القصة تنال اعجابكم و دعموها 😘
