مشات وجدان بدلات حوايجها بالخف وخرجات معصبة لقرودة كيشطحو فوق راسها متوجهة لدرب مريم تحيح عليها وتوريها لعب كيفاش كيطيح وموراها ليلى كتجري بغاها توقف
ليلى شداها من دراعها : وجدان وقفي صافي غي خليها مانقصناش شوهة
وجدان بعصبية : ليلى حيدي من قدامي حيت هاد ساعة لعروقة ديال راسي كيزدحو
دفعات إيديها وكملات طريقها معمية ليها لبصيرة ... دخلات لدرب مريم لي كان في جنب دربهم وبدات كتقلب عليها بعينيها حتى طاحت عليها واقفة مع شي رباعة لبنات كتعاود وضحك معاهم ... مشات ليها نيشان تلاحت ليها على شعرها جبداتها من وسط منهم خلات لبنات لخرين حالين فيها فمهم حيت زربات عليهم معرفوها كي دارت ليها ... أما وجدان طيحات مريم في الارض كتنتف وتعاير لي جا في فمها كتقولو ولخرى كتغوت وتبكي تحت منها
وجدان خدامة بيديها وكتهدر : أدوي ياعيفة لبنات يالداخل جيعان والخارج شبعان ماحشمتيش يالحرايمية بان ليك غهو زعما صحبتك ياحصرة
مريم : طلقي مني هئ هئ وعتقوووني اعباد الله بعدي مني ااجاهلة
وجدان : ليووم مكاين لي فكك مني يامشوققة لگدام يالمفلحة لخانزة ريحة صرمك عاطية في درب كلو وباغة طيحيه
جات ليلى ولبنات كيفكو وهي عاصية ممحيداش فوق منها
وجدان : طلقو مني طلقو غدخل شي وحدة نشركها معها ليووم نوريها اش كنسوا ... ياكارمة سواا عند بالك مطورة غديريها بينا وطيريه وحتى الا خذيتيه غيلعب شوية ويلوحك (خبطات ليها راسها مع الارض ) عرفتي علاش حيت كيبغي لالاك مغيخليش هاد زين ويجي عندك نتي ياسويگلاصة كلك عظومة مينما يقيسك دگيه
ليلى : صافي باراكة غتقتلي لخرية ونصدقو واحلين فيها
وجدان جرات مريم من شعرها وقالت بفحيح : عرفتي إلا شفتك كدوري فدرب ولا كترطاي فجنانبنا وفجناب أوس هاد لوجه لي فرحانة بيه غيولي كامل مشرط
ناضت من عليها وجدان ومشات راجعة بحالها بكل برودة بحالا مسلخات حتى وحدة اما ليلى رجعات ركلاتها بجهد في كرشها زواتها وختمتها ليها بتنخيمة على وجهها
ليلى : غزاات فيك يالق*بة باش مرة اخرى متقربيش لشي حاجة ماشي ديالك
ورجعات كتجري باش تلحق على وجدان
وجدان : فين بقيتي
ليلى ببراءة : غي كبينا عليها لما سخفتيها مسكينة
وجدان بسخرية : ممم حنينة مسكينة بقات فيك ياكما كيصحاب ليك عندي لگرون
ليلى بغباء مصطنع : گرون ديالاش؟؟
وجدان ميقات فيها : ديال لوالدة
حلات فيها ليلى عينيها وقالت : على لوالدة حتى هي عندها لگرون
أنت تقرأ
الغرام المستحيل
Acciónالقصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜 نتمنى القصة تنال اعجابكم و دعموها 😘
