الغرام المستحيل

part 43

أوس ملي شافها بديك لحالة تخلع وبالخصوص دم لي لاصق في حوايجها صافي برد ليه لما في ركابي ماحس براسو حتى مشا كيجري لعندها شدها فيها ومع هي مرخية طاحت فالارض وهو ومزال محتاضنها عندو ودقات قلبو خدامين بسرعة خيالية

أوس بهلع : ليلى .. ليلى حياتي گولي ليا مالك واش .. واش هاد دم ديالك

جميلة قفزات عندها : أويليي ماالك أش هادشي منين جا هاد دم

ليلى كتبكي بهسترية :  هئ هئ خ خالتي (سرطات ريقها بخوف شديد ) عتقو خالتي راضية هئ هئ  خالتي راضية داوها

أوس قلبو تهز بالخوف على الام ديالو ونطق بصرااخ : كيفاش داوها شكون هادوو جاااوبي

رفاييل ملي سمع سيرة راضية تجبدت قرب عندهم وقاال بخوف : راضية .. مالها راضية يله كانت معايا أنا غنمشي نجيبها

ليلى : مكايناااااااش هئ مكايناااااش داوها هئ هئ ك كانوا بزاااف وهزو علينا سلااح وق قتلووه قدامي وهو شاد فيا هئ هئ

رفاييل مابغاش يتيق هدرة ليلى وكيقول مع راسو الا مشا قلب عليها يقدر يلقاها ومشا دار على لقاعة كاملة وكيعيط بسميتها بجهد متمني أنها تجاوبو وتقول ليه أنا هنا ولكن للأسف مكاينش ليها الأثر اما أوس شد لليلى في وجها وقال بهدوء عكس داخلو : ليلى حياتي تهدني وعاودي ليا شنو وقع وشكون تهجم عليكم

نخليو ليلى تعاود لأوس وأجيو حنا نرجعو نشوفو flash back 🔙

من بعد ماكان الكل فرحاان وناشط في العرس وكيرقصو على أنغام شعبي لي كتجذب كل مغربي كيسمعها وميمكنش ماينوضش يركز ولو غير شوية كانت ليلى باركة في لكرسي حدا راضية وجميلة كتصفق بيديها مع الاغنية وباينة عليها معجبها حاال حيت منعها أوس تنوض تشطح وهددها الا شافها ناضت غيدير ليها أكثر من ديك لمرة فاش شافها في ساحة قتال الشوارع

جميلة : مالكي مبرطمة هكااك زعما هذا راه عرس صاحبتك خاصك تفرحي ليها

ليلى بانفعال : وشكوون خلااك تفرحي على لي عندو بحال هذاك يخليه يفرح

  جميلة : ههه عبر على بوك هذاك هو لي غيجمعك

ليلى : يجمعني مالي بنت ليك كتاب

راضية : خلي عليك لبنت اجميلة (شدت في إيدين ليلى وقالت بصوتها الهادئ ورزين ) سمعي ابنتي أنا عارفااك مزاال صغيرة وباقا باغا ضحكي وتخرجي وتشطحي وديري بزاااف مي حتى ميكونش داك صعصع ديالنا رااك عارفاه غير أنا لي مو وشنو كان داير فيا يااك غير الا لقاني في درب كيجري عليا وكيدخلني لدار