القصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜
نتمنى القصة تنال اعجابكم و دعموها 😘
من بعد ما كملو الحصص ديالهم ليلى و وجدان تمو راجعين بنفس سكات اللي كانو في قبل تنهدات وجدان و دارت شافت فيها و قالت
وجدان : واش غنبقاو ديما هكا على هاد الوضع .... صافي خصك توضعي حد لهادشي رااك كتخسري في راسك بسباب هاد الحب و هو ما جايب دنيا خبار
ليلى غي ساكتة و كتفكر في كلام وجدان اللي كان على صواب ... هي كتعذب على بعدو و هو ما علابالوش و عيش الحياة ديالو كيف بغا و شكون الخاسر هي 💔 داكشي علاش قررات قرار لا رجعة فيه و اللي هو غتصارحو بمشاعرها واللي بغا يطرا يطرا المهم هو انه يكون على دراية بالامر
من بعد ماجوبتهاش وقفت وجدان و شدات ليها في دراعها بحنية و لطافة باش تنساه و متبقاش تفكر فيه
وجدان: ليلى حبيبتي نتي خصك تحبسي هاد الموضوع وديري ليه حد باش حتى نتي ترتاحي
شافت فيها ليلى و تبسمت بألم و قالت : أه....عندك الحق هاد الموضوع خاصني ندير ليه حد
فرحات وجدان بزااااف و عنقاتها حيت كيسحاب ليها بلي ليلى غتحاول تنساه وأنها اقتانعات بكلامها و لكن لا كانت غالطة و بزااااااف ......ليلى بهدرتها قصدات انها غتمشي و تبوح ليه بمشاعرها و تعاود ليه على عذابها من بعدو وأن كل ليلة كتحلم بيه و انها كتبغيه و متقدرش تعيش بلا بيه ❤
عند أوسمان اللي كان مزااال غارق في نعاس حتى صونا ليه التيليفون ....ناض خاسر حيث مكيحملش اللي ينوضو من نعاس و خصوصا الا كان مدگدگ وهو مزاال عيان من لماتش ديال لبارح.....هز تيلي من فوق لكوافوز وشاف شكون لقاها يارا و جاوبها بصوت مبحبح و غليظ باين يله فايق من نعاس
أوس: ألوو
يارا: هللو حبيبي صافا
أوس: حمد لله ... ونتي
يارا: bien bb....بغيت نشوفك دابا ضروري
أوس حرك راسو بعدم فهم: ياك لاباس
يارا: لا لا حياتي مكاين والوا ... حتى نشوفك و تعرف
أوس: أوكي (وقطع)
ناض دوش و بدل حوايجو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و خرج عند مو اللي كانت كتنقي في لعدس باغا طيبو ليوم لغذا باس على راسها و رضات عليه كيف ديما عاد خرج مشا لوطو ديالو و زاد عند يارا يشوف مالها.... وصل عندها بانت جالسة في القهوة اللي موالفيين يگلسو فيها لابسة 👇
