نهار جديد حل على أبطالنا ولي غيعيشو فيه أحداث جديدة ومغايرة على لي قبل 🌄
جاية كتمايل بشوية عليها في طريق هازة شعرها ديل الحصان ولابسة سروال تجين كحل وt-shirt حتى هو كحل وفيه كتبة بالبيض وفي جنبها مريم وباينة عليهم يله خارجين من لمدرسة من طابلية لي شادينها في إيديهم وشكارة لي لايحينها مورا ظهرهم وغادين ويلاوحو في رجليهم
مريم : فراسك إكرام شينوية عندها ليووم لعرس
ليلى : واياااه فراسي وعرضات عليا
دارت عندها كلها وقالت بحماس : حلفي وحتى أنا عرضات عليا ... خلينا نيت نمشيو نشطو شوية
ليلى : وكي درتي ليها وهي دايراه مع 00 : 3 ديال نهار وحنا قاريين
مريم هزاات كتافها : مندخلوش
ليلى : شنووو واش نتي بعقلك
مريم : وشنو فيها إلا بطلنا شي نهاار
ليلى : (صمت كتفكر في كلامها )
مريم : وصافي مايكونش راسك حتى نتي عاصي ... نبقاو حنا غي في لقراية والمدرسة حتى يتسوطا لينا شي عرق ونوليو بحال مجينينة (واحد لمسطي عندهم في درب )
ليلى شافت فيها بنص عين : دابا نشوفو هادشي ديالك فين غيلحگنا
مريم فرحات : ههههه وگوليها من صبااح بلا هاد دراما كاملة
ليلى خسرات سيفتها وقالت : دراما هي لي غديرها ليا جميلة إلا ساقت الأخبار
عند أوس اللي كان بارك في القهوة وكيخمم ونظرو مشتت في الفراغ وفجنبو سعد كيجغم من كاس ديال القهوة كحلة ديالو
تلفت عندو سعد وبدا كيشوف فيه باستفسار وقال : مالك واش واقعة شي حاجة
أوس حرك راسو بلا
سعد : وعلاش ملي جيتي وعقلك مامعاكش
أوس حنحن برجولة وقال : حاس بلي لواليدة مخبية عليا شي حاجة
سعد بتوثر : احم شنو لي خلاك تقول هادشي .. واش شفتي شي حاجة
أوس بنظرات عميقة : من نهاار خرجت من الحبس وهي مبدلة وحاس بيها فحال إلا خايفة من شي حاجة ... حتى شي حوايج مكانوش فيها ولات كديرهم
سعد سرط ريقو وقال بنبرة مهزوزة : بحالاش
أوس : إلا شافتني وكانت كتهضر في تيليفون كتقطع قبل مانوصل عندها وملي كنسولها كتحط شي مبرر مكيقنعش وزيد عليها ليووم فقت من نعاس ومشيت كنقلب عليها عند بالي غتكون غي في دار كي لعادة ساعة لقيت غي ريح ... وهاد شي عمرو ماكان فيها
سعد حس بالخوف لايسيق صديق عمرو انه مخبي عليه رجوع أكثر شخص كيمقثو في حياتو بل والأخطر هي أنه صلح علاقتو بمو ورجعات المياه لمجاريها ... وهو عارف إلا عرفو أوسمان عارف ومخبي عليه غيخسرو ... تنهد وكأنه يحمل جبال ديال الهموم وتلفت شاف في أوس لي كان باقي على نفس لحالة وقال : ويقدر مايكون والوا غي راسك كيخيل هادشي وصافي
أنت تقرأ
الغرام المستحيل
Actionالقصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜 نتمنى القصة تنال اعجابكم و دعموها 😘
