الغرام المستحيل

part 46

بعدما داوه للطوموبيل بقاا معاه أوس وراضية اللور و گاستيو سايق بيهم ... كيشوف فباه بحزن عارم ولقطة فاش تلاح قدام رصاصة مابغاش تمشي من عقلو داز كلشي قبالة عينو اه هدا هو باه لي من لحمو ودمو واخا تخلا عليه ولاحو ملي كان صغير هو ومو وهكاك ميدوزوش باه بالقلب وبالحب لي مزروع داخلنا بالفطرة اتجاه واليدينا باه لي مأزم حاليا بسبب شوفتو ضعيف ودمو سايح عليه .. الواليدين هما الوحيدين واخا يديرو لي يديروه كيبقى حبهم كينبض داخلنا
شاف فيه ساد عينيه حيد جاكيط تاعو حاطها مزير على جرح نطق بحرقة : الله يخليك متمشيش فيق أنا مزال محتاج لك

راضية : رفا هئ هئ عفااك احبيبي حل عينيك زوينين طمني عليك .. قلبي شاعلة فيه نار من جيهتك هئ هئ منقدرش نعيش بلا بيك هئ هاد المرة الا مشيتي كنقسم ليك غنموت من بعدك

سمع كلام ماماه لي زاد حسكو من لداخل أكثر سكت مدة و هو غي كيشوف فيه : فيق الواليد وكنواعدك إلا حليتي عينيك غنسمح لييك

شافت فيه ماماه من بصدمة معرفت تفرح لمسامحتو ولاتحزن على حالة راجلها وفي الأخير تبسمت بحزن على حالة أوس عرفااتو مألم من جيهت باباه ومباغيش يفقدو ولو ما أظهر من قسوة قدامو

و صلو الاوبيطال وخرج أوس كيصرخ طالب نجدة جابلو البياص حط فيه رفاييل ومشاو بيه كيجريو وفنفس الوقت طبيب كيسولهم

دكتور : سبب النزيف

أوس : تضرب بالرصاص

دخلو رفاييل لغرفة العمليات و هو غادي جاي قدام الغرفة وحداه ماماه عيونها دبلو بكثرة البكا .. حس بتيلفون كيتزعزع في جيبو جبدو وجاوب بصوت مكلوم : وي سعد

حنحن سعد بتوثر وقال : أ أوس ل ليلى كاينة م معاك

عقد حجبانو بحدة ونطق : كيفاش معايا ياك خليتك نتا حاضيها

سعد بتعلثم : هاا واقيلة غادي تكون مشات غ غير عند وجدان تبات معها

حك سنانو مع بعضياتهم بغضب وأردف : أنا جاي

سعد : لا لا بلاش أنا غنمشي دابا نطل عليهم نيت بغيت نشوف وجدان أحم گول ليا لقيتو خالتي راضية

أوس بحزن : أه هاهي حدايا لواليد لي تضرب برصاص

قفز سعد من بلاصتو : وكيف بقى دابا

أوس : مزالو في العمليات

✨🖤فِي بَحرِ عَيِناكِ هَامت، كُل أشوَاقِي
يَا رَبة الحُسنِ هَل تَنوي اغراقِي؟
مَا كُنت اؤمن بِالعُيَونِ وَِفعلهَا
حَتى دَهتنِي فِي الَهُوى عَيناكِ🤍.