القصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜
نتمنى القصة تنال اعجابكم و دعموها 😘
دارت تلفتات فيه وقلبات عينيها ودارت زادت مدتهاش في هدرتو واخا قراات في نبرة صوتو الجدية الا انها ركبات لعناد في راسها وزادت ... رفاييل تعصب وخرج لعندها ... جرها من درعها وقال بعصبية : راضية .. قلت لييك ركبي في لوطو واش مكتسمعيش
نطرات إيديها منو بعصبية وقالت : اش كيحساب ليك راسك ... شكون تكون نتا حتى نركب معاك في لوطو
رفاييل : ماباغي نوصل لوالو ... بغيتك غي دخلي تركبي في لوطو منها نوصلك ومنها نفهمك كلشي
راضية بغنان : مابغيتش واش مكتفهمش
رفاييل : يله مايكونش راسك قاصح
شدها من ايديها وداها ركبها في لوطو ... اما هي حسات بقلبها ضرب من ديك شدة وحيات عليها لمواجيع ... متقدرش تنكر انها توحشاتو وتوحشات لمساتو ليها ... ففي الاول والاخير كيبقى راجل لي كتعشق وبابات ولدها الوحيد
رفاييل كيسوق في لوطو وفرحان حيت راضية باركة حداه وخا باين عليها منفخة وقالبة عليه وجهها مي معلييش غيدير مافجهدو باش يرجعها في حضنو هي وولدو ... مرة مرة كيدور يتلفت فيها وكان صمت لي طاغي بيناتهم ... وقف طوموبيل في واحد لفيلا رااقية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دارت شافت فيه وقالت بنبرة حادة : لاش جايبني لهنا ... وصلني دابا لداري ولا غنمشي نشد طاكسي يوصلني
خرج رفاييل من لوطو وحل عليها لباب شد في ايديها وخرجها حتى هي حيت عارفها راسها قاصح ومغتخرجش الا مدارش هو هكا ... وقفها حداه وجبد گارو دارو في فمو ودور عينيه زرقين لجيهتها وقال بنبرة استفزاتها : سيري قلبي على طاكسي وشوفي الا لقيتيه سيري منحبسكش
عصبها ببرودو ودورات عينيها على لبلاصة لي جابها ليها كانت منطقة شبه مقطوعة ومستحيل تلقا شي طاكسي .. دارت عندو وربعات ايديها وقالت : اش بغيتي تقول ها انا كنسمع
