وجدان بحزن : واش غنمشيو دابا
سعد : أه أحياتي نمشيو نرتاحوا شوية باش غذا فصباح نطلو على سي رفاييل ومن تم نتوجهو المطار
حركات وجدان راسها ودخلات تجمع حوايجها وعينيها مغرغرين بالدموع جا الوقت فين تمشي حتى هي دير دارها وتحمل مسؤولياتها .. جات عندها مها عينيها حتى هي مدمعين تلاحت عليها وجدان كتبكي وكتشهق ومها كطبطب عليها وكتوصيها بالصبر وتهلى في راجلها..الخ
خرجات من دار مها عينيها منفوخين بالبكا وباليزتها في إيديها ... مشا لعندها سعد خداها وحطها في الكوفر وعاود رجع لعندها عنقها وقبلها من راسها
حياة : عطيتك جوهارتي نتمنى تعرف بقيمتها ومتغبنهاش
سعد : في عينيا اخالتي مغتشوف معايا ان شاء الله غير الخير
وجدان بعدات من حضنو وقبلاتو وقالت بصوت منغنغ : بغيت نشوف ليلى
سعد بقات فيه .. مسح دموعها بلين وقال : سيري ألعمر أنا غنتسناك هنا
دقات في لباب وحلاات عليها ليلى شافت فيها باستغراب ومجات فين تدوي حتى ترمات عليها وجدان كتبكي ... شداتها ليلى في حضنها أكثر وقالت بخوف : وجدان مالك أش عندك احبيبة
وجدان : هئ أنا غنمشيي جيت هئ نودعك هئ هئ
طاحو دموع ليلى وقالت بابتسامة : أش هاد الهدرة كتقولي حسستيني بحالا عمري مزاال غنشوفك ... غير كوني هانية غنجي لعندك يوميا ونصدعك ونخرجو نديرو زبايل كي العادة ونجيب معايا حتى تريكتك في الفطور والغذا والعشا حتى تولي نتي مجرية علينا (وجدان تبسمت وسط دموعها ) وزايدون غادة تاكلي الحلوة وكتبكي كون كنت منك كوراني كنقز بالفرحة
وجدان ضربتها بزعفة : حشمي شوية ونتي وجهك ولا بحال صندالة سعيد
ليلى : ومالي اش گلت (سمعت سعد كيعيط على وجدان) سيري سيري قبل مايفگس قلا*يه
وجدان بسخط : وليني راك مابقيتيش تمرگي (ومشات)
ليلى بصوت مرتفع باش تسمعها : حتى لغذا وردي عليا لخبار واخا مكرهتش نمشي معاكم ونحضر صوت وصورة HD
دارت عندها وجدان عطاتها صبع 🖕 وكملت طريقها كضحك على هاد الهبيلة ... ركبات في لوطو وديمارا سعد متوجه لشقة ديالو لاح عينيه عندها بانت ليه كتزعزع في رجليها بتوثر تبسم في سرو ومد يديه حطها على فخضها منعها من الحركة
سعد : شش تهدني ورخفي فيك نفس
شافت فيه متوثرة وخيفانة من هاد ليلة لي طول عمرها كتسمع بنات كيهدرو على صعوبتها ودارت شافت في طريق مجاوباتوش براكة عليها غير خلعتها ... سطاسيونا لوطو جنب دارو ونزل حل على وجدان بفرحة وقال بطريقة تمثيلية : تفضلي أ أميرتي وصلنا لقصر ديالك
أنت تقرأ
الغرام المستحيل
Actionالقصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜 نتمنى القصة تنال اعجابكم و دعموها 😘
