الغرام المستحيل

part 55

سمعو تحنحينة رجولية ودارو جبروه أوس لي داخل لي غير شافتو بطلتنا عينيها لمعو وتبسمت برقة وحب ليه وهو كذالك بادلها النظرة وراضية وسط منهم كتشوف في ليلى لي غايبة معاه وكتشوف في أوس لي سهى فابتسامتها ... حركات راسها على هاد عصافير الحب وخرجات وخلاتهم بلا مايحسو بيها ...أما هما غارقين في بحر عشق بعضياتهم هو لي كيشوفها كملاك ضوا دارو وبعث الحياة في بيتو وهي كتشوفو عالمها وحبها الوحيد لي حصلات عليه بعد معاناة ... مفاق من سهوتو حتى بعدات عويناتها من عليه بخجل وقالت : أنا غنقاد لحوايج لي جبت معايا

حرك ليها راسو وقال بصوتو الخاتر : أنا نعاونك

ليلى : مم واخا

حل لفاليز وبدا كيستف في الحوايج وهي كتحط في ماكياجها فوق الكوافوز وكترتبهم وملي سلات مشات لعندو وبدات كتستف حتى هي معاه ماسلاو حتى غفر ليهم الله ذنووب ههه

ليلى كتطرطق في عنقها من العيا : أوووف وأخيرا سالينا

أوس : ممم

دورو عينيهم على البيت لي تضافت فيه لمسة أنثوية ... تبسم بجنب وشاف فيها وقال : دابا عاد كمل البيت

حيدات ليلى جلابيتها بقات غير بدوني وشورط ديالو ومشات تكات فوق ناموسية وهو كلس حداها حيد حوايجو بقا غير بالبوكسور وطلق رجليه باش يتكى وغير ميل راسو باش ينعس هزات ليلى راسها وهيا مخرجة عنيها فيه وقالت بصوت مرعووود : واااش غتنعس هكااا ... ح حشووووما

أوسمان طلع فيها حاجب : شنو لي حشووما

ليلى : تنعس هكا عريان ... على الأقل لبس غير شي حاجة تستر بيها

أوس قوس حجبانو وقال باستهزاء : على أساس نتي مستورة دابا (شافت في راسها وشهقت وتخشات تحت لكوفرلي مخرجة عينيها فيه ) قديتيها زعما راني شفت كلشي وقستو بيدي

ليلى بغنج : أوسمااان

أوس كيعيب فيها : أوسماان

طفى ضو وتخشى حتى هو تحت لغطى وجرها من يديها ونعسها على صدرو لعريان محاوطها بيديه وسد عينيه وهي بقات حلاهم كتشوف فيه نعاس جفى عيونها غير ضو القمرة لي مضوي عليهم ... جاتها في شكل أنها ناعسة بين دراعو ووسط فراشو وولات محسوبة مراتو ... بغات تقلب مالقات كيف دير مع دراعو العراض لي مزيرين عليها ... بدات كتهزهم من عليها بشوية حتى تحررات ووقفات ساعة قفزها ملي دوى بصوتو الحرش وهو مزال مغمض عينيه وبدون ما يتحرك : لفين

ليلى : احم غير بغيت نشرب

أوس : راه هو لما حداك