الغرام المستحيل

part 13

كان كيرسم وعقلوو سارح في تفاصيلها اللي كيسحروه واللي كيخليوه بلا عقل ... وبالأخص في عينيها لكبار لكحلين ورموشهم اللي مستفين وطواال ...وشعرها ... وأأأه من شعرها الليي داير بحاال خيوط الليل من شدة سوااده ... ووجها صغير لبيض مدور بحااال لقمر اللي مضوي داك سواد ... مغلطوش ملي سموها ليلى اسم على مسمى .... من بعد ماسلا أوس رسم تبسم وعينيه بداو كيلمعو وهو كيشوف في رسمة اللي كانت وجه ليلى بكل تفاصيلو صغيرة ولكبيرة ... عينيه كيدورو وكيتفحصو كل شبر من رسمة لا يكون شي غلاط ... وفي نفس الوقت مستمتع وعاجبو يبقى يشوف فيها ويسقي عويناتو ويرويوهم واخا ها شوية من جمالها

أوس وهو كيشوف في تصويرة بحب وهيام : غنتسناك اسنفورتي ... غنتسناك حتى تكبري ليا اصغيورة ديالي ... وديك ساعة مكاينش اللي يبعدك عليا ♥️

باس رسمة بكل حب وخشاها في صاكو اللي حاطو جنبو .... ورجع تكا وحط يديه تحت راسو وكيتبسم وكيرجع شريط اعترافها قداام عينيه ... غوبش فاش تفكر تعاملو لئيم معها وندم حتى قصح معها ... تمنى ... تمنى لو كان رجع بيه زماان لور ... كان غيعنقها ويمسح دموعها ... ولكن هو كان عندو تخوف من سنها ... كان خاايف من نظرة ناس ليه لايگولو عليه مستغل بنت صغيرة يله في عمرها 16 وهو  ثلاثين ... كاان خايف لا يكون حبها مجرد مراهقة كيف گاع شباب من سنها كيمرو بيه ومن بعد تنساااه ... داكشي لاش كان كيفضل يبعد عليها ومايقربش وخا مللي كان كيشوفها كيحس بحااال شي مغناطيس كيجروو ليها ... ومع ذالك كااان كيحارب مشاعرو ويقمعهم بل ويزيد يوهم راسو بأنه كيبغي يارا ... بقا عقلو خدااام في ليلى حتى دااه نعاس بلا مايحس

عند بايو وكانيطا اللي كيشوفو في أوسماان بحقد كبييير اتجاهو ... بايو اللي مامسروطاش ليه فاش كان كيضربو قدام ليلى وكيخليه يبان صغير ومراجلش حداه ... وبالخصوص مامخليهش ياخذ راحتو باش يعبر على حبو ليها ... وماعرفش علاش واقف في وجهو ... وعلاااش كيحميها منوو ... شنووو سباااب ... فيما كيقصدها كيلقااه قداام وجهو ويعطيه قتلة لعصاا ... زعما يكون كيبغيها ... لا لا مايمكنش خاصو يبحث فهااد لموضوع وضروري يعرف علاش كيتصرف هكاك ملي كيشوفو معها ... اما كانيطا فراااه كثر منو من بعد ماكان هو لكل في لكل في زنزانة وكلشي كيخاااف منو ... حتى ولا بين نهااار وليلة ضحكة بين سجناااء وكيستهزئو بيه من بعد دوك قتلات لعصا لي كلا من عندو وطيحو ليه قيمتو قداام اللي كان قاطعها فيهم 

كانيطا تلفت عند بايو ومطلع حاجب ومخنزر وقال : فااش كتفكر اتبي .. رااه بدااااه نعاس الا كنتي باغي دير شي حاجة ديرها ولا خليني انا نتكلف

بايو برفض وعينيه كيشوفو في أوس بحقد : تؤ تؤ تؤ ... متزربش ( تلفت دار شاف فيه ) عند بالك مايفيقش بيك ... هه رااك غالط ... انا اللي كنعرفو مزيااان غي جاو وسماوه ليون (الاسد)

كانيطا وهو كيدور بيديه لموس اللي كانو ناويي يضرب بيه أوس : إوا اش لمعمول ... غنبقااو هكا كنتفرجو فيه ... لاعب علينا لعشرة ويشطحنا كيف لقرودة