الغرام المستحيل

part 45

عند أوس لي خرج من عند گاستيو بانكسار وعينيه قريبة تدمع مخافة على ماماه تلقى ليه سعد بلهفة وشدو من دراعو وقال : أشنوو واش لقيتيها ؟؟

حرك أوس راسو بسلب

سعد : وشكون هذا لي جيتي عندو وعلاش شكيتي فيه هو بالظبط ؟؟

أوس بانزعاج : سعد راسي كنحس بيه مبنج عليا الله يخليك بلاش هاد الاسئلة لي ماشي فوقتهم

سعد تنهد وقال : واخا وشنو غدير دابا

شاف بعيد وقال : غنتسنى

سعد بعدم فهم : أش غتسنى؟؟

أوس بنظرة دات مغزى : حتى لمن بعد وغتعرف

قال كلامو وتوجه لطوموبيلتو خلا سعد مكمش وجهو مفاهم حتى حاجة وفي الاخر شاف حتى عيا وضرب إيديه مع بعضياتهم وركب لوطو ديالو حتى هو وكسيراو في اتجاه الباهية ... دخل لدارهم وبان ليه كلشي مجبد كيتسناه (وجدان ، حياة ، جميلة ، وليلى ) هز عينيه في لمگانة بانت ليه 2:00 ديال صباح دور عينيه بانت ليه ليلى جاية وكتحك في عينيها بطفولية شدات ليه في ايديه وقالت بصوت منغنغ : واش مجبتيش معاك خالتي ؟؟؟ واش باقين شادينها هادوك لي عندهم سلااح

أوس شد فحناكها وقال بحنية : ششش غادي نلقاها كنواعدك مابقى والوا وتكون بيناتنا حتى هي

دخل سعد وشافهم في ديك الوضعية حنحن باحراج حتى شافو فيه هز فيهم حاجبوا وقال : ياكما قاطعتكم وجيت في وقت غير مناسب

خنزر فيه أوس ودخل لبيتو اما هو مشا عند وجدان عنقها وباسها في حناكها حتى حشمها مع مها وجميلة

جميلة : أمدرا أولدي كنت بغيت نسول أوس على ختي راضية حتى بان ليا دخل لبيتو

سعد : مزاال اميمتي مكاين خبار

حياة : الله يدير لي فيها الخير يله نوضي ابنتي نمشيو لدار ترتاحي شوية

سعد : فين غتمشي انسيبتي نسيتي بلي صافي زوجتيها ليا وولات مراتي

حياة : أه أولدي مگلتي عيب هي مراتك ولكن دابا نتا مامساليش ليها ضروري متبقا مع صاحبك باش تساندو حتى تفوت هاد الحزة

وجدان : أه ماما عندها الحق ملي تسالي احبيبي غتلقاني كنتسنى فيك

سعد في نفسو : سبحان الله مشاكيل أوسمان مكيبانو حتى كنكون باغي نكول الحلوة (حنحن سرح حلقو وقال بصوت مسموع ) صافي ماشي مشكيل نيت تحيدي هاد تكشيطة لاتكون مثقلة عليك