في المساء 🌅
كانت بطلتنا باركة فوق ناموسية ومربعة رجليها وتيليفون في ايديها فاتحة الكاميرة كتدوي مع وجدان وهي كلها حمااس
ليلى : هااي هااي على العفريتة شوفي ليك وجهك كي منور وتااك زواج
وجدان بخجل : حلفي
ليلى : والله العظيم ... ولكن كلشي من لبروتين ديال سعد ههه
وجدان تزنگات وخنزرات فيها : مرگي شوية البعلوكة وخلي عليك الهدرة لي أكبر منك
ليلى : ودابا ماعلينا گولي ليا فين مشيتو وفين جيتو وشنو لبلايص لي زرتو
وجدان : صراحة دنيا هنا زويينة من امتى وأنا باغا نجي ونشوف الاهرامات والتماثيل الحجرية القديمة والفراعنة .. عرفتي على احساس وبالأخص ملي مشيت تصورت معاهم وتعرفت على سمياتهم العجيبة وركبت على جمل
ليلى بابتسامة : بصحتك احبيبة ... اجي بصح شي واحد فيهم كيقولوا ليه خفرع هههه
وجدان : ههههه أه وكاين حتى خوفو وبلبل
ليلى : بلبل!! ههه
وجدان : أه هههه
ليلى : وسمية هادي ... لمهم امتى غتجي
وجدان : هاد سيمانة انشاءالله نكون في المغرب على حساب خدمة سعد وحتى باش باباه مايعيق بوالوا
ليلى بانزعاج : واش اصاحبتي غتبقاو مخبيين ديما عليه خليه يگولها ليه ونيت يسيق الاخبار ولا تبقاو حياتكم كلها مدرگين وخايفين لايعرف بلي تزوجتو مالكم كتفسدو راه كلشي بالحلال وعلى سنة الله ورسوله
وجدان : أوووف غير سكتي هاد الموضوع بارك على قلبي بحال شي حجرة ثقيلة
ليلى : دابا ربي يفرجها متبقايش تفكري بزاااف ... ييي أوسمان كيعيط قطعي قطعي باش نجاوب
وجدان : أوكي يله بسلامة ( قطعات )
ليلى سرحات صوتها عاد جاوبات : ألوووا
أوس : لبسي حوايجك وخرجي عندي غتلقايني كنتسناك
ليلى عقدت حجبانها : كيفااش؟
حيدات تيليفون من ودنها لقاتو قطع ناضت على سعدها ووعدها لبسات بوليرو فوق من بيجامة وخشات رجليها في صندالتها وخرجات كتجر في رجليها لجيهت لباب حتى وقفها صوت جميلة : هاديك هاه فين غادة سالتة طوطحي ثاني
أنت تقرأ
الغرام المستحيل
Actionالقصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜 نتمنى القصة تنال اعجابكم و دعموها 😘
