اغار عليك فأكرهك وإن هدئت رجعت أعشقك مرارا و تكرارا و دهرا ❤
نطق بصوتو القوي رجولي : أش گلت لمك أنا دوي
ليلى تصدمات وحلات عينيها على وسعهم ماعرفتو منين نبع معها وتسلط عليها وهي مخرجات حتى تأكدات بلي مكينش .. سرطاات ريقها بخوف وتلفتات لعندو بابتسامة بلهاء وقالت : هااا غ غير مشيت لحانوت تسخرت وجيت
طلع حاجبو وقال : وفين هي سخرة لي مشيتي على قبلها
ليلى ببراءة : راه ملقيتش عندو داكشي لي بغيت
أوس بسخرية : يااك
دارت ليه شوفة القطة وحركات راسها بالايجاب في الحين هو تبسم بجنب فمو باستهزاء وزاد قرب ليها هز يديه لوجهها وحطها على حناكها بحنية صدمها في لول مي استحلاتها وعجبها لحال وغمضات عينيها مستمتعة بدفئ لمساتو على حنكها اما هو سرح في ملامحها الجذابة وضاع فيهم مكانش متوقع انه غيطيح في حبها حتى لهاد درجة عشقها وبغاها بمشكساتها وحركتها الطفولية هي سنفورتو وملاكو وصغيورة ديالو واخا باقي مصرحهاش ومعترفش ليها بمشاعرو اتجاهها يكفي غير تصرفاتو لكيبينو مقدار حبو ليها ... وعى على روحو ونفض راسو باش يفيق من غرق سحرها هبط ايديه لجيهت شنايفها وشدها منهم بجهد حتى غوتات بألم حسات بيهم غيطيرو مساكن من بلاصتهم ماعرفت مالو تسيف عليها
أوس بحدة : وهاد لفم لاش كيخسر لهدرة همم
ليلى كتموك بفمها مقداش تهدر كدير ليه غي إشارة بعينيها زعما حيد يديك فهمها أش بغات ولبى طلبها ... اما هي غي طلقها شدات شنايفها وبدات تسوط عليهم وكتقول : اححح
ربع إيديه ونطق بصرامة : كنتسنى جواب
سرطاات ريقها وقالت بغباء مصطنع : ديالاش !
ضحك بالفقصة وجرها من إيديها بجهد حتى تساطحات مع صدرو الفولاذي وايديه حطها من ورا ظهرها هز حاجبو وحمر عينيه فيها : هاد لمرة دازت لمرة جاية سنانك غيطيرو
هبطات راسها وحركات راسها بالايجاب مقدراتش تشوف فيه حشمات منو بزااف سبات في سرها لعربي لي كان سبابها حتى سمعها خسرات لهدرة وهي ماموالفاش ليها تهز حتى صوتها قدامو وزادت كملات ليها لباهية بهاد شدة لي داير ليها ... تبسم بحب ملي لمح حمرة خدها عرفها حشمات منو هز ليها راسها وقال بصوت دافئ : شوفي فيا
هزات فيه عينيها عاضة على شنيفاتها 🍒 بخجل وثوتر من قربهم الكبير وقلبها كتحس بيه كيفرفر وكرشها كتقزقز فيها الفراشات 🦋🦋 مابقات عرفات مادير واش تقرب ولا تبعد تبقى ولا تمشي للحظة حسات بعقلها تلحس عليها ... حنى نظرو لشفايفها لي هبلوه وتمنى يذوق منهم ويعرف اشمن نكهة فيهم مابقاش قادر يبقى يصبر وهبط راسو عندها حتى ولا يتنفسو من نفس واحد ووجاههم ولاو مقابلين ونطق بصوت ثقيل رجولي : متبقايش تعضي فيهم كتزيدي تشعلي فيا نار
أنت تقرأ
الغرام المستحيل
حركة (أكشن)القصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜 نتمنى القصة تنال اعجابكم و دعموها 😘
