القصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜
نتمنى القصة تنال اعجابكم و دعموها 😘
أنا ياسيدي أجرمت بحق اللغة 🖤 ومفردات الحب من أجلك توسلت من الالف تنازعت مع الحااء اسرت الباء وقتلت الكاف 🥀
في صباح يوم الغد فاقت بطلتنا بكري وملامح وجهها مبشورة حلات شرجم بيتها باش يدخل هواء نقي وتحيد ريحة نعاس من الغرفة استنشقات برد صباح الصافي والمنعش من أعماقها وهي كلها تفائل وتوثر من خطبة اليووم دخلات لحمام دارت روتينها صباحي وخرجات كتمسح وجهها من لماء لاحت الفوطة فوق ناموسية وخرجات كتقلب على ماماها ووجدان لي كانت بايتة معها لقاتهم كيخملوا في صالون
ليلى بصوت مبحوح بنعاس : صباح الخير ... أش هاد لحداگة على صباح
ردوا عليها بصباح نور وكملت جميلة : يله يله نكملو باش نجيو مع الوقت گدگد
جميلة : لا بلاش ماتعاونينا مانعاونوك حنا قادين بشغلنا نتي تهلاي غير في حالتك وطلي شي ماسك لوجهك علاما نسخن ليك لما وادخلي تعومي
ليلى : واخا صافي
مشات فطرات في لكوزينة ورجعات لبيتها وبدات كتطلي على وجهها لمسكات وزيوت طبيعية لعناية البشرة حتى ولا وجهها صافي وبيض كيبري ورطب بحال بشرة دراري صغاار ... جابت ليها مها لما سخون ودخلات تعووم غير باش تحيد عرق لبارح اما هي يله كانت لبارح في لحمام مع وجدان ... دق لباب وحلات جميلة لقات في وجهها حمادة جن هااز في إيديه تقدية
عطاها تقدية وباس ليها راسها باحترام ومشا وهكا داز نص نهارهم لول غير في توجاد لخطبة ودابا قربات ساعة فين يجيو ناس داكشي لاش بداو يلبسو أحلى ماعندهم وأكتيvاو لمود ديال الجمال وبالأخص ليلى لي سر العريسات نزل عليها والحنيكات مزنگين جات كتفتن بزين ومع جمعات شعرها هاد لمرة شي لي خلا رقبتها طويلة تبان عطاتها لمسة مختالفة ومغايرة على لي عاهدوها عليها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
