لعنة الحب المنبوذ

الفصل التاسع والاربعون

قبل كل شىء صلوا على النبى
نسالكم الدعاء بالرحمة
الفصل ال ٤٩

*******
رد عليها بعدم خوف .
- قائلا بلامبالة . اصلها كانت بتكلمني عن جوزها والمشاكل اللي ما بينهم .

قالت بعدم اقتناع ، خاصة انها رات روج صديقتها على رقبته.
- اه بتكلمك عن جوزها .
ثم تابعت بعصبية ، وهى تمسك القميص وتريه .
طب ايه اللي جاب الاحمر ده على رقبتك يا ادم .

قال بمكر ، وهو يحسس على رقبته .
- احمر . احمر ايه يا ماما .

وضعت امه يدها على رقبته تمسح روج صديقتها وارته اياه امام عينيه . التى اتسعت بصدمة ... وهى وضعت راسها فى الارض .

قالت صافى بصراخ ، وهى تهب فيهما بانفعال .
- ممكن افـــــــــــــــــــــــــــــــــــهم ايه اللى بيحصل هنا .

- ماما انت فاهمه الموضوع غلط .

قالت بسخرية ممزوجة بعصبية .
- وايه بقى الصح يا مستر ادم .

- من غير تريقه . دى روج واحده كانت معايا في الكليه .

- معاك في الكليه بس غريبه نفس الروج اللي حطاه كاميليا .

- عادي صدفه يعني هو ممنوع ان الناس تحط زيه .

- تصدق كلامك صح صدفة . وصدفة برضو زراير هدومك متلخبطة برغم انها كانت معدولة من دقايق .

هنا كانت الصدمة الثانية له . فحاول ان يغير الحوار .
- قائلا باستفهام . هو الاكل جهز ؟

صافى بحدة شديدة .
- قائلة باستفهام . ايه اللى بينك وبين كاميليا .

- هيكون ايه اللي بيني وبينها مجرد انها صاحبه امي .

- بتقول صاحبه امك فقلت بقى تخليها صاحبتك انت كمان .

- ماما انتى بتتكلمى ازاى .

قالت بانفعال ، وهى تصرخ فى وجهه بعصبية .
- بتكلم زى الناس . انا بتكلم زى الناس .

قالت كاميليا برجاء ؛ لعلها تهدا .
- اهدا يا صافي خلينا نتكلم بالعقل .

- هو انت خليتى فيها عقل يا كاميليا مصاحبة ابنى .

- اكيد انت فاهمه غلط .

- فاهمه غلط وقفل الباب والروج اللي على رقبته وهدومه اللي متبهدله و نظرات عينيك وتقولي ليا برده فاهمه غلـــــــــــــــــــــــــــــط .

- هو انا ايه اللي هيكون بيني وبينها .

- قول لنفسك ما خلصناش من البنات الصغيرين رايح تصاحب واحده من سن امك .

- ماما ينفعش الكلام ده دي طنط كاميليا .

- طنط . قلت انها طنط مش تصاحبها . هي العلاقه واصله بيكو لفين .