لعنة الحب المنبوذ

الفصل الرابع والستون

قبل كل شىء صلوا على النبى
نسالكم الدعاء بالرحمة
*****
طوى اسبوع كامل بتفاصيل لا تذكر ... بعد ان خرج من امتحانه ... الذى لم يستطع ان يحل فيه الا القليل ... فهذا بسبب معذبة قلبه ... التى لم تحنو عليه فى خلال ذلك الاسبوع التعيس ... حاول ان يتصل بها اكثر من مرة وهى رافضة الرد ... وطرق على بابها مرارا وتكرار ... ولكن لا حياة لمن ينادى ... فهى قررت البعد عنه نهائيا دون رجعة ... وهذا اذاه نفسيا وجعله مشتاقا لها بشدة ... فها هو يتنظر امام سيارته الفاخرة ... ليراها تطل بجمالها الساحر ... اتت اليه ماييفا ، والقت عليه التحية .
- قائلة برقى على غير عادتها . هاى يا ادم . اخبارك .

استغرب وجودها امامه ، ولكنه رد عليها بنفس الرقى .
- قائلا بهدوء . كويس يا ماييفا . عملتى ايه فى الامتحان .

- تمام . وانت ؟

- اهو عدى .

ترددت فى طرح سؤالها . ولكنها شجعت نفسها . 
- قائلة باستفهام . لسي رافض حبى ليكى ؟

صدمه السؤال الغير متوقع ، واصابه بالحزن .
- قائلا باعتذار . انا اسف .

- الاعتذار مابيعملش حاجة يا ادم .

- عارف بس ده كل اللى املكه .

- عامة هنسي .

- ماييفا انتى ماحبتنيش انا كنت مجرد شخص بيقول ليكى كلام حلو . وانتى محتاجة تسمعى ده ؛ لانك قافلة الطريق فى وش كل الناس .

- يمكن كلامك صح او غلط .

- ايوا صح . لان الحب مش انانية .

هبت فيه بانفعال .
- قائلة بعدم تصديق . لم اكون عايزاك لوحدى بس . تكون دى انانية . ولا انت كنت بتتسلى بيا ، ولم خلصت شوفت غيرى .

- قال بصدق . انا ماشوفتش غيرك لانك ماكنتيش موجودة .

عضت على شفتيها لتمنع دموعها ولكنها نزلت .
- قائلة ببكاء . كلامك بيوجع اوى .

- عارف بس دى الحقيقة .

- طب ليه دخلت حياتى وانا اصلا مش موجودة .

- لان دى كان طبعى فى البداية . لكن بعد كدة كل ده اتغير .

- اتغيرت على حساب قلبى اللى انكسر .

- مش انتى وحدك اللى انكسرتى .

استدرات ماييفا قليلا للكلية ، رات ورود تخرج توا من امتحانها . قالت باستفهام ، وهى تلتفت له .
- هى ورود سابتك .
راتهم سويا انقهرت بشدة ولكنها لم تظهر ذلك غير فى عينيها المتالمة .

قال بحزن وعينيه مسلطة عليها .
- حاجة شبه كدة .

قالت بسعادة ، وهى تشتم فيه .
- كويس اهو تجرب احساسي .

ابتسم على ردها .
- قائلا باسى . دى ناس كتير هتفرح فيا .

- جـــــــــدا .