😋 #චබී_&_Mr_පර්ෆෙක්ට් 😋
(🤭 ආදරයෙ සොදුරිය නුඹයි මගේ 🤭 )
කොටස........ ( 28 )
" මොකක්ද මෙතන වෙන්නෙ.... "
ඔවුන් දෙදෙනා සිටි තැනට මදක් එහායින් ඇසුනු කටහඩ නිසාම ගැස්සිලා වගේ විෂූල්ගෙ තුරුලෙන් ඈත් වුන දූර් බිම බලාගත්තෙ වරදක් කර හසු වූවාක් වැනි හැගීමකින්.
😋🍜🍜😋🍜🍜😋🍜🍜😋🍜🍜😋
" දැන් කාලෙ හැදෙන තරුණ ළමයි නම් අන්තිමයි.... ඔය දෙන්නා මේක පාක් එකක් කියලද හිතාගෙන ඉන්නේ ගැරඩි දෙන්නෙක් වගේ වෙලීගෙන ඉන්න... "
" අංකල්...., ඔයා හිතපු දේ නෙමේ මෙතන වුනෙ.... "
" යනවා යනවා අයිසේ.... ඇටෙන්පොත්තෙන් එළියට එන්න කලින් මගුල් විසේ මුන්ට.... තව එනවා මට කියාදෙන්න... "
" මොකක්ද දැන් අංකල් කියන්නේ.... ඔයා වැරදි තමයි අංකල් මොකද මේ ඉන්නෙ මගේ...... මගේ..... මගේ හොදම යාලුවා... "
අවුරුදු හැත්තැවකට වැඩි පෙනුමැති මහළු මිනිසෙකු සමගින් රණ්ඩුවට යාමට තරම්ම විෂූල්‍ මනසින් ව්‍යාකූල වී වුන්නා. බොරු රණ්ඩුවක පැටලෙන්න යන විෂූව දූර් මෝටර් රථයට නංවාගත්තෙ තරවටු කරලාය.
" අපේ සීයා වගේ මනුස්සයෙක් එක්ක රණ්ඩුවට යන්න ඔයාට පිස්සුද විෂූ... "
විෂූල්‍ මෝටර් රථය පණගන්වන තුරුත් මහළු මිනිසා පාරෙ අනෙක් පස සිට ඔහුන්ට මොන මොනවදෝ කියමින් විටෙක හැරමිටිය දිගු කරමින් බැනවදින්නට වුණා.
" අංකල් අපි ගැරඩි නෙමේ හූ.............. "
මෝටර් රථය ඉදිරියට ධාවනය කරමින් විදුරුවෙන් එළියට එබුනු විෂූල්‍ කෑගැහුවේ මහළු මිනිසාගෙ කේන්තිය තවත් අවුස්සන්න. බලාපොරොත්තු වූ ලෙසම මහළු මිනිසා ද නොසරුප් වචන බොහොමයක් කියමින් මෝටර් රථය පිටුපසින් අඩි කිහිපයක් දිව ආවෙ විෂූල්‍ පසු බැලුම් කණ්නාඩියෙන් බලාගෙන් හිනා වෙද්දි.
" ඔයා නම් නරකයි විෂූ.... "
බොරු තරහකින් අහක බලාගෙන දූර් එහෙම කියද්දි විෂූල්‍ මහ හයියෙන් හිනාවෙන්න ගත්තෙ දූර්ගෙ මූණට ආයෙත් හිනාවක් ගෙන බලාපොරොත්තුවෙන්.
YOU ARE READING
🍔 චබී & Mr. පර්ෆෙක්ට් 🥰
Romance#චබී_&_Mr_පර්ෆෙක්ට් 😋 (🤭 ආදරයෙ සොදුරිය නුඹයි මගේ 🤭 ) චරිත හදුන්වා දීම... #දූර්ෂා_නිශුදි_ෆර්නැන්ඩස් කෑමත් එක්ක දූර්ෂාට තියෙන්නෙ පුදුම බැදීමක්. දුකකදි සතුටකදි විතරක් නෙමෙ ලෝකෙ අනිත් පැත්ත පෙරලුනත් දූර්ෂාට එක කෑම. බෝලයක් වගේ ඉන්න දූර් සෑම විටම කාගෙ...
