The Green Eye Devil

Chapter 138

CHAPTER ONE HUNDRED AND THIRTY-EIGHT

NANG makapasok ako sa loob ng unit ay dumeretrso ako sa kusina para kumuha ng malamig na tubig. Bigla na lang kasi akong nakaramdam ng pagka-uhaw. Binuksan ko ang ref at kumuha ng isang bote ng tubig. Binuksan ko 'yon at tinungga. Matapos uminom ay inilabas ko na ang phone ko.

I message Hunter na nasa bahay na ako para maka-uwi na rin siya. Pagkatapos kong uminom ay itinapon ko ang empty bottle sa may basurahan. Lumabas ako ng kitchen at naglakad papunta sa may hagdan. Pumanik na ako sa kwarto ko.

Pagkapasok ay umupo muna ko sa gilid ng kama. Hinubad ko ang suot kong sapatos kasama na ang dress ko. Humiga ako at tumingin sa kisame.

Mabigat ang loob ko sa isiping sa susunod na araw ay aalis na kami. Nakakalungkot pala iwan ulit ang mga tao dito, pero...wala naman kasi dito ang buhay ko. Nasa New York na.

Napasabunot ako sa sariling buhok. Tapos ay bumangon na para makapag-half bath at makapag pahinga na rin. Habang nakaharap sa malaking salamin ay bumabalik sa alaala ko ang mga nangyari kanina sa may burol. Hindi ko napigilang mamula.

Hindi ko makakalimutan ang gabing ito.

Umihip ako sa harapan ng mukha ko ng mahulog ang ilang buhok sa mukha ko. Inilipad naman 'yon sa gilid. Tiningnan ko ang sarili ko sa salamin. Nakatakip sa kahubaran ko ang putting towel, samantalang ang buhok ko ay tumutulo pa ang tubig sa ibang bahagi.

Ngayon ko lang napansin na parang nag-glo-glow ang balat ko, para bang may ginagamit akong kung ano kahit wala naman.

Umiling ako sa mga naiisip. Tinapos ko na ang night routine ko saka isinuot ang damit pantulog ko. Lumabas ako ng banyo, humiga ako sa kama at pumikit na. Masaya ang naging kinalabasan ng araw ko ngayon pero nakakapagod. Tinamaan rin ako ng alak na ininom namin kaya medyo sumasakit ang ulo ko.

Mabilis akong tinangay ng antok.

-----

TODAY is the day. Aalis na kami ng bansa. Gusto kong maiyak dahil umiiyak na si Klyzia sa tabi ko, nakiki-usap na huwag na akong bumalik ng New York.

"Sasagutin ko na 'yung tuition mo kapag dito ka nag-aral," pangbri-bribe pa niya sa'kin.

Pinisil ko ang pisnge niya. "I can't, Zia. One year na lang and gra-graduate na ako."

She pouted her lips while trying not to cry. Buntis kasi kaya ang emotions niya ay pabago-bago. Niyakap niya ako ulit. Hinaplos ko ang likuran nito para naman mapagaan ang pakiramdam niya pero mukhang hindi yata nakatulong dahil umalpas na ang hikbi nito. Nanghihingi ng tulong akong tumingin kay Henry sa gilid, kausap nito si Kuya Jake.

Nang malingunan niya ang gawi namin ay mabilis itong nakaintindi't lumapit.

Ihiniwalay ko ang katawan ko kay Zia, saktong umakbay naman si Henry.

"Honey, stop crying. Makakasama sa baby natin," malambing na pang-aamo nito sa asawa.

Nakita ko ang paghaba ng nguso ni Klyzia at ang paghaplos nito sa tiyan.

"A-ayokong umalis si Black," umiiyak nitong sabi.

"She need to."

"I have to."

Sabay naming sabi ni Henry na mas lalong nagpa-iyak sa kapatid ko. Nang mapansin nitong namamaga ang mata ng asawa ay inilayo muna sa'kin. Iyakin na siya noon pero mukhang mas doble ngayon.