The Green Eye Devil

Chapter 143

CHAPTER ONE HUNDRED AND FORTY-THREE

PAGKATAPAK namin sa loob ng convenience store ay naramdaman ko na ang paninigas ng katawan ni Bea. Bumaba ang tingin ko sa kaniya. Nakayuko ang babae at pinaglalaruan ang kamay.

Tumikhim ako para kuhanin ang atensyon niya. Nag-angat siya ng tingin. Nagtatanong.

"Get the things you need to buy. Then aalis na tayo," utos ko.

Tumango naman siya at tipid akong nginitian. Ipinasok ko ang kamay ko sa bulsa ng suot kong pantalon. Sinundan ko ng tingin si Bea, nagtungo ito sa may isle na puro cosmetic at girl stuff. Napakamot ako sa likod ng ulo ko.

Ang hirap sigurong maging babae.

Pero napatigil ako sa pag-iisip nang makarinig ako ng tawanan. Hinanap ng mga mata ko yon at bumagsak sa mga kalalakihang tinutukoy ni Bea kanina. Pinagmasdan ko ang kilos nila. Nakasunod ang mga tingin kay Bea, at pagkatapos tingnan mula ulo hanggang paa at magtitinginan at tatawanan sila.

Kumunot ang noo ko.

Nakaramdam ako ng inis dahil don. Sumeryoso ang mukha ko nang makita na lalapitan ng isang lalaki si Bea nang nasa cashier na ito. Malakas akong tumikhim. Napatingin sakin ang mga lalaki.

Mukhang nagulat pa sila na may nakakapansin sa ginagawa nila. Masama ko silang tiningnan kasabay ng paglapit ko kay Bea. Umatras sila at nagmamadaling lumabas. Nagbubulungan pa sila nang sundan ko ng tingin.

Umiling ako. Mga gago. ​Hinarap ko si Bea. Napa-atras pa ako sa gulat.

Paano ba naman ay nakaharap na siya sakin. Malapad ang mga ngiti, at nagniningning ang mata.

Bakit?

Tumikhim ako. "Tapos ka na?" tanong ko.

Sunod-sunod siyang tumango. "Yaps! Kaya lang may kulang lang na isa pang gamit but this will do," aniya.

Bumaba ang tingin ko sa clear plastic. Napkins for menstruation, tissues at Ph Care?

"Ah okay. So I can already leave?" Umiling siya. "Yes and no," sagot niya.

Kumunot ang noo ko.

"Ha?"

Lumakad kami palabas. Huminto kami sa kung saan malapit naka-park ang kotse ko at ang kaniya rin, siguro Tiningnan ko siya.

Malapad niya akong nginitian.

"Yayayain sana kitang mag-kape pa. Parang thank you na lang sayo."

"Ah--" nag isip ako. Umiling ako. "Sorry hindi pwede. May nililigawan na kasi ako. Ayokong malaman niyang may sinamahan akong ibang babae na magkape. Hindi na okay yon," pagpalaliwanag ko.

Hindi siya makapaniwalang nakatingin sakin. Umawang pa ang labi niya. "Y-your courting someone?"

"Yes."

"S-since when?"

"Ilang buwan na rin. Actually, susundan ko siya sa New York next week or month," ani ko.

Dumilim ang mata nito. "You already forgot Divine?"

"I did not forget Divine, I just move on. She helped me to be a better person. Her name is Klyzene Black, now nasa New York siya nag-aaral. Sige, thanks."

Tumalikod na ako sa kaniya at lumakad sa kotse ko.

Hindi kumilos sa kinakatayuan ang babae. Nasa may gilid lang ito nakatayo. Nakasunod siya sakin, wala ng emosyon ang mga mata. Nakakapag taka pero hindi ko na masyadong binigyang pansin. Ini-start ko ang sasakyan at pinaandar yon. Binusinahan ko siya ng isang beses bago tuluyang umalis.