The Green Eye Devil

Chapter 111

CHAPTER ONE HUNDRED AND ELEVEN

NASA loob kami ng sasakyan ni Kuya Jake. Nasa may backseat ako katabi sina Henry and Benjamin, si Kuya ang driver at nasa passenger seat si Hunter. Tunog ng aircon ang maririnig mo dahil tulog ang dalawang lalaking katabi ko.

Tumingin ako sa labas ng bintana sa kaliwa. Naka-upo kasi ako sa may kaliwang pinto.

Papunta kami sa Vista Mall para kumain.

Sumandal ako sa upuan ko at nilibang ang sarili sa pagbibilang ng mga kotse sa labas, pati na rin ang brand ay sinusubukan kong alamin.

"Kaylan ka pa natutong makipag-race?" pagpuputol ni Kuya sa katahimikan.

Tumingin ako dito mula sa rear view mirror.

"Year after kong makapunta sa New York. My friends introduce this sports to me," sagot ko sabay nag-iwas ng tingin dahil tumingin din do'n si Hunter.

Kinuha ko ang gamit kong earphones at kinabit sa tenga ko. Nakinig na lang ako sa music para hindi na nila ako kausapin.

Nang makarating kami sa parking lot ng Vista Mall ay agad akong bumaba. Hindi ko hinintay pagbukas ako ni Kuya ng pintuan. Sinuot ko ang facemask at naglakad papunta sa entrance ng mall.

Alam kong nakasunod sa'kin ang mga lalaking 'yon dahil ramdam ko ang mainit na titig niya sa likuran ko.

"Saan mo gustong kumain?" tanong ni Kuya ng mahabol nila ako.

"Max's na lang siguro."

"Okay, sa Max's na lang daw tayo," pagpapaalam ni Kuya sa iba.

Um-oo naman sila.

Humawak si Kuya sa braso ko saka naglakad papunta ng Max's. Malakas ang dating ng mga kasama kong lalaki dahil nagtitingnan sa'min ang mga babaeng nakakasalubong namin o kahit 'yung mga sales lady ay nababali ang leeg kakalingon sa kanila.

Pumasok kami sa loob. Naglakad kami sa may bakanteng pwesto.

Sa tabi ako ni Kuya na-upo pero gano'n na lang ang pagtutol ko nang tumayo ang lalaki para kumuha ng isa pang silya.

"Diyan ka na umupo, Hunter," ani Kuya sa kaybigan.

Mabilis akong tumingin dito.

"What?! Kaya nga ako umupo dito kasi ikaw ang katabi ko!" may pagre-reklamo kong saad.

Nginitian lang ako ni Kuya.

"Sorry, magkatabi pa rin naman tayo ah," ani 'to saka umupo sa tabi ni Hunter. Napa-irap na lang ako.

Pasimple kong inilayo ang upuan ko sa lalaki.

"Anong gusto niyo?" tanong ni Benjamin habang tinitingnan ang menu. Nag-angat ito ng tingin sa'kin, "my treat dahil sa panalo mo," ani pa nito.

"Naks! Kelangan pala palaging manalo si Klyzene para makapaglabas ng pera 'tong si Benjie boy!!" hirit ni Henry.

"Tss! Gagaya mo kasi ako sa'yong pakawala!" sagot naman ni Benjamin.

Namilog ang mata ni Henry.

"Anong pakawala?! Inaalagaan ko ang puri ko ha!!" anito.

"Gago!"

"Tangina mo!"

Sinapo ko ang noo ko. May sira talaga sa ulo ang mga kaybigan ni Kuya.