الحياة على قيد الامل

البارت الاول

الكاتبة  فاطمه علي 🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•

تعريف الشخصيات
بسمه: العمر 25 سنه
ام بسمه : العمر 60 سنه
ابو بسمه : العمر 65سنه
رائد اخو بسمه الجبير مهندس :العمر 29 سنه
رافد اخو بسمه الوسطاني خريج ادارة واقتصاد: العمر 27 سنه
بسام اخو بسمه اخر العنقود طالب كلية يدرس علم النفس :العمر 23 سنه
........................
علي: العمر 35 سنه
ام علي :العمر 62 سنه
ابو علي : العمر 66 سنه
سلام اخو علي الجبير :العمر 40 سنه
احمد اخو علي الي اصغر منه: العمر 33 سنه
حسن اخو علي : العمر 27 سنه
باقي الشخصيات نتعرف عليها من خلال القصه
...............

هلو اني بسمه من بغداد مواصفاتي طولي 160 والوزن 70 مدبدبه عيوني خضر وعندي غمازات وبشرتي بيضه ومن اتعب اصير حمره
نرجع من جان عمري 16 سنه ، جنت عايشه مثل أي بنيه بين اخوه ولد يعني كله عيب وما يصير بس ابويه جان ميقبل عليهم جان يحبني كولش هوايه
يطلعني وياه للزيارة او من يروح بيوت عمامي وعماتي بس بين فتره طويله هوه جان ضابط جبير فه متقاعد
امي هم جبيره فه جنت احس بالوحده ماعندي اخوات
، بس جانت عندي صديقه اسمها رسل كولش حبابه واني وياها صديقات من الابتدائية نروح ونرجع سوه بس جانت كل نهاية سنة ابويه واخواني تصير بينهم مشكله اخواني يردون اترك المدرسه وابويه ميقبل امي جانت تريد اضل اداوم بس متريد تضوج خواني يعني جانت تفضلهم عليه، فه ارجع اداوم السنه الي وراها احب المدرسه جانت رسل دايماً تجينه بالبيت ندرس سوه من وصلنا الاعداديه كمت احس بينها وبين رائد نظرات بس اكول اني جاي ابالغ ماكو شي،
وره فتره صارت متجي هوايه لن عدهم عرس اخوها ويحضرون
كمت اشوف رائد يجي يمي ويحجي وياي مو من طبيعته هوه ميحجي وياي اله عنده ملابس اغسلهن او يريد اكل لو يريد يرزل بيه على حجابي او ملابسي شويه ضيقه المهم

رائد: بسمه شلونها دراستچ
بسمه: الحمدلله زينه ما ضل شي للامتحانات
رائد: اي ان شاء الله تصيرين بالخامس واني ادرسج
بسمه: بتعجب ان شاءالله
رائد: اي شكو ماكو
بسمه: رائد شبيك اكو شي محتاج شي
رائد: بعصبيه فوك ما اسال عليها انوب ما قابله
بسمه : لا والله بس عبالي بيك شي
رائد: لا ماكو شي وكافي كلام ادرسي واسمعي
بسمه: ضليت ساكته بس گلبي يكولي اكو شي عند رائد يريد يحجي
رائد: وره فتره من الصمت اكولج اشو صديقتج ماكو ما تجي مثل قبل
بسمه: بخوف ليش رسل سوت شي
رائد :لا بس علمود تقرون سوه
بسمه: ماكو شي بس عدها عرس اخوها وملتهيه
رائد: هاااا اي زين الحمدلله عبالي بيها شي
بسمه : باوعت علي بنظره انو كشفتك
رائد: عينج بكتابج لا افگزها الج
بسمه: رائد طلع من البيت اني خابرت رسل طبعاً من موبايل ماما سولفنه شوي على الدراسه وهيه تسولف على بيتهم مخبوصين بعرس اخوها
اني تمنيت اكدر اروح بالعرس بس اعرفهم ميقبلون