انـت يـا كـل الـعمر ، و أيامـه و سنينـه❤️
محد ضيعاني غير عيونها الحلوة 👼🏻🤍
•◌•◌•◌•◌•◌•◌•◌•★•◌•◌•◌•◌•◌•◌•◌•
الكاتبة فاطمه علي🦋🦋
•◌•◌•◌•◌•◌•◌•◌•★•◌•◌•◌•◌•◌•◌•◌•
علي : دخلت للمستشفى خابرت على رائد و رحتلهم لكيت عصفورتي تعبانه و ذبلانه اجتي الدكتوره
الدكتوره : عيني وضع المريضة هسه زين بس عدها سوء تغذيه وفقر دم لازم تاخذ فيتامينات علمود الحمل ما يوصل مرحلة الخطر
رائد : شكراً دكتوره......... علي ليش هيج وضع بسمه هاي امانة ابويه يمك
علي : رائد مثل ما هيه اختك هيه زوجتي ..... بسمه متقبل تاكل....لو ما مشتهيه لو لعبانه نفسي
رائد : ادري تعرف بيها لعبانه نفسها غير تاخذها الدكتوره...... علي اني مجاي احاسبك بس هاي اختي و وضعها تعبان
علي : لا حقك رائد..... بس جنت ملتهي بعرس حسن
رائد : علي تره عرس حسن مخلص صار اسبوع..... زين انته عندك شغل كوللنه احنه اخوانها نروح ناخذها
علي : .......... ضليت ساكت لن بشنو ارد اكول عرفت زوجتي تحب ابن عمتها لو شنو احجي ضلينه كاعدين بره الغرفه وكل شويه الدكتوره تدخل تشوفها
دكتوراه : وضع المريضه هسه تمام بس يحتاج ساعه بس يخلص المغذي ونطلعها
علي : رائد تعبتكم وياي روحو ارتاحو اني اضل يم بسمه من يخلص المغذي اجيبها للبيت
رائد : اني راح اروح اخذ امي لن صعد ضغطها اذا تريد عوف يمك بس بسام
علي : لا والله ماكو داعي روحو ارتاحو وشكراً على وكفتكم ما قصرتو............ طلعو اهل بسمه اني دخلت عليها للغرفه جانت نايمه مرتاحه..... معقوله گلبج ما حبني بعده وكل هذا بس شكل معقوله هاي العيون ما گدرت تعشگني .... ضليت احجي وياها وهيه نايمه بالنص ساعه
____________
بسمه : كعدت ما لكيت امي باوعت اكو شخص كاعد بصفي بس داير وجهه يمكن هذا رائد بس عيوني ما اكدر اركز بيهن احس عبالك بيهن منوم بلكوه افتحهن وجان اشوف هذا علي مو رائد........ اي والله علي بس شفته بجيت
________________
علي : كاعد يم بسمه بس صافن بالي صار بينه حسيت اكو حركه نداريت شفتها..... هيه بس شافتني بجت.... يا روحي علي وگلبه لا تبجين هذا الحجي احجي بداخلي بس ضليت اباوع عليها
بسمه : علي ليش هيج عفتني ليش تركتني كل هاي الفتره تعرف شصار بيه وراك علي ليش ما تجاوبني
علي : شلون صرتي هسه
بسمه : علي شنو هذا البرود انته ما جنت هيج
علي : يله راح يخلص المغذي حته نروح للبيت
بسمه : عرفت الحجي ويه علي مابي فايدة........ اوكي .......... خلص المغذي طلعنه رجعنه للبيت طول الطريق ساكتين ولا كلمه..... وصلنا للبيت دخلت اني صح تعبانه بس جانت عندي طاقه اتناقش ويه علي
علي : روحي نامي بالغرفه ارتاحي
بسمه : علي قسماً بالله اذا ما كلت شنو الي صارلك من رحنه لاهلي هسه الم كل اغراضي وبعد ما تشوفني...... علي شنو سويتلك حته هيج ضايج مني علي انته حته ما تخليني انام عند اهلي ... تعوفني 6 ايام بدون اي سبب
علي : كافي بسمه كافي لن ما اريد اكول كلمه تجرحج
بسمه : لا علي مو كافي احجي عندي طاقه وتحمل اسمعك منا لباجر
علي : ......... بسمه شنو الشي الي ضامته عليه
بسمه : شنو ضامه عليك كولشي ما عندي وكولشي كدامك ما مسويه شي وراك
علي : هوه هذا الي تعبني هوه مو ورايه هوه قبل ما اطلع اني بحياتج وانتي ضميتي عليه..... بسمه اني سمعت كل الكلام الي دار بينج وبين مصطفى
بسمه : فعلاً انصدمت علي سمع كولشي ..... علي عرف بقصة مصطفى...... بس اني ما ضميت عليك ولا انته فديوم سالتني اذا حبيتي قبل او لا
علي : بس لازم جنت اعرف على الاقل من اول مره شفته جان كتيلي يابه هذا هيج قصته انتي ابد ولا كلمه واني شوكت ما يكلي انطيني بسمه جنت اخليج تحجين وياه تعرفين اتمنه هوه موجود بالعراق وحق من زرع حبج بنص گلبي اله اكسر راسه وراس كلمن يطلع وراه
بسمه : علي جان يحجي بعصبيه وصياح وعيونه دم .............علي شنو سمعت
علي : سمعت من عاتبتي لن عافج
بسمه : يعني كل كلامي سامعه...... وسمعت اني شكتله عنك
علي : وشنو يفرق بسمه انتي تحبين مصطفى
بسمه : لا يفرق ويفرق هوايه علي اني احبك انته.... ما انكر اني جنت احب مصطفى ولا انكر تعلقت بي ولا اكولك اني ما فكرت بي ولا........
علي : كافي بسمه ولا اسمع نفس
بسمه : علي خله ايده على حلكي وخنكني على الحايط جانت عيونه واحد يباوع على الثاني
علي : اشششش فدوه لعيونج كافي بسمه انتي الي اني انتي بس ملك علي بس اني دخلت گلبج بس اني لمست روحج بسمه كلها لــ علي فتهمتي لو لا
بسمه : ما اكدر احجي خانكني.... هزيت راسي بمعنى اي
علي : انتي الي سمعتي لو لا
بسمه : اهز براسي بسرعه بمعنى اي ونزلت دمعتي
علي : يا روحي علي والله اسف لا تبجين الله ياخذني من بجيت عيونج الحلوه
بسمه : من نزلت دمعتي باس عيني واني من اسمع بكلامه ابجي اكثر ......
علي : لا تبجين يا عصفورة گلبي ......... من اشوف عيونها كولشي يضيع مني دمعي وضحكتي ......خضار عيونها سبه گلبي
بسمه : حظنته ما كدرت بعد...... اسفه لن ما جنت تعرف بهذا الموضوع واسفه لن ضوجتك مني وقهرتك
علي : بسمه ما اتخيل احد غيري يدخل گلبج.........بس اذا تحبين مصطفى وسعادتج وياه اني اضحي بحياتي علمود انتي تكونين سعيده
بسمه : علي شجاي تحجي انته اني احبك انته وسعادتي وياك انته ......علي انته وصلت لكلبي وروحي انته وصلت لشي يحلم مصطفى يوصل اله
علي : يا روحي وگلبي انتي بس كولش تعبت هاي الايام كولش شتاقيتلج وفتقدتج بس ما كدرت اجي ما ردت اجرحج بالكلام
بسمه : لهل درجه تحبني وتغار عليه
علي : تتذكرين حسن شلون كام يتغزل بيج اني شسويت بي مو هذا يطلع يحبج بسمه عقلي كله طار من عرفت بالموضوع جنت ادعي ما احجي وياج خاف اذيج ولج انتي روحي اكو واحد ينطي روحه متتخيلين شكد احبج
بسمه : واني احبك يا عمري
علي : يله تعالي اكعدي انتي تعبانه
بسمه : هسه صرت زينه من شفتك....... ما اعرف ليش تخربط وضعي الصبح جنت زينه
علي : طبعن لا تاكلين وانتي حامل اكيد يتخربط وضعج
بسمه ششنووووو......
____________
أنت تقرأ
الحياة على قيد الامل
ChickLitتم النشر بتاريخ 14/4/2022 لا يكفي أن تكون على قيد الحياة ♥️ بل يجب أيضا أن تكون على قيد الامل ، فتاة تعيش حياة هادئة وفي لحظه تنقلب الي جحيم الى ان يفاجئها القدر
