قصة حقيـقيـه :بقلمي انا وردة خُزام
في ازقة العاصمة بيوت ثرية وقلوبٌ مُحطمة !
هُنا لا مكان لحواء وكأنها نبذت مُنذ زمنٌ بعيييد
فهل ستقاوم هذا النبذ؟
ام انها ستحط رحالها عند اول عثرة!
#وأد_القلوب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
في عائلة يُحَرَم فيها كُل شيء، عائلة تستند ع مبدأ وأد البنات!! نعم نعم لا تستغربوا فقد يمارس في تلك العائلة "وأد البنات " بكل حذافيره! متناسين قول الخالق (وَإِذَا الْمَوْءُودَةُ سُئِلَتْ * بِأيّ ذَنْبٍ قُتلَتْ ).
عائلة او بالاصح مُستنقع تُحرم فيه الأنثى من ابسط حقوقها ويتم اخذُها بذنب غيرها لتعيش ما تبقى من حياتها سجينةً لقرارات اُخِذت نيابةً عنها .. والمُضحك المُحزن في الوقت ذاته عليها التأقلم والعيش وكأنها سُلطانة زمانها!
عائلة يتم فيها قتل ماتسمى بالاُنثى او الاصح (الفضيحة) وهي في المهد!!ويمارسون حياتهم وكأن شيئا لم يكن ... وتأتي الاخرى ويتم قتلها وتستمر السلسلة حتى يُقطع اثر حواء. لكن السؤال: يا من تتبع تلك السجية القذرة! هل لكَ ان تأتيني بأجابة "من اين جئت لتلك الدنيا؟!! من جاء بك! لتأتي انت وتمارس تلك الجريمة النكراء بحق من اوصى فيهنَ سيد الخلق! وقال "استوصوا بالنساء خيرًاً " !!
في وسط كُل تلك الجُرم يحصل ان يُقدر لها حياة مُختلفة ولكن هل نستطيع ان نجزم بأن هذا الاختلاف سوف يأخذ بها لبر الامان؟!! هل لنا ان نُخمن ولو لواحد بالمئة خروجها من تلك الغابة المُخيفة دون دفع الثمن؟ عن نفسي لا اتوقع ذلك مُطلقاً! بل لا يُصدقه عقلي حتى! ولكن ماذا عنكم؟!! انتظروا !! لا اريد الاجابة ف أنا مثلكم واكثر ليس لدي ادنى فكرة عما يجول وسط تلك الغابة ذات الوحوش البشرية .. ولكن تعالوا لندخل ونستخرج ما يرضينا بأنفسنا! بدايةً دعونا نعقد اتفاقاً، الدخول لتلك الغابة ليس بالسهل ابدا ربما تظهر هذه الوحوش حقيقةً! ربما يوجد داخلها ليس وحوشا بشرية فقط.. بل وحوشا من جنس الشيطان!! .. نعم ها انا اطلعكم على الامر مُسبقا حتى يصبح لدي حجه عليكم لاحقاً ..
اما هو ف …
مُتكبرٌ مغرور وباللغة الدارجة"حُقنة" في الوقت ذاته عاشق و مُتيم! يكاد لا يحمل قلباً من شدة طيبته وباللهجة العراقية "شايل گلب سمچه ". يمتلك سمار بعذوبة وملوحة تربة الرافدين ،بالعراقي "اچلح املح ينگط ملووحة! "
لديه سجية صعبة وهي حُب التملك بلهجتنا الحلوة "لو بيدي احطج بگلبي واقفل عليج"
عاش حياة لم يشترك في اختيارها حتى! وفق مبدأ " احنه اهلك اعرف بمصلحتك "
كل تلك المقومات جعلت منه حد التعامل شديد الاسلوب شحيح الثقة لكن السؤال هل الامر ينطبق معها ايضا؟ ام ان للحُب قواعدٌ مستثناة؟!!
هذه القصة حقيقية وشخصياتها الرئيسية مازالت انفاسهم تعلن عن وجودهم في هذا العالم. لكنها لا تخلو من مسحة خيال مقصودة. ربما احتراما لأسرار وخصوصيات لا يمكن الافصاح عنها، او سداً لثغرات في القصة الحقيقة امتنعت صاحبتها عن كشفها تفاديا لما قد يحصل.. أملي ان تلامس تلك القصة شغاف قلوبكم وتترك فيها اثر كالذي تركته في نفسي.
المشهد الاول ——
اركض بالشارع وكل جزء من جسمي يرجف خوووف ورهبةةة ،اركض والهث احس نفسي انگطع بس مو مال اوگف بس ابطئ مشيتي يلحگ بيه! بقيت اركض ب النص سَـآعــهْْ والشارع يصوووي مابي جنس مخلوق الساعة ب 3 الفجر منو صاحي هسه!!
مشيت مسافه كلش بعيييدة من المستحيل يلحگني بعد بس خوفي ميخليني اوگف لازم اوصل بسرررعة اذا يلحگ بيه انتهيي.
اباوع الشارع اريد سيارة ماكوو !! ،رجليه ماعاد تشيلني واني واكفه كيف واني لازم اكمل ركض..
تعبت وعيوني بـ؏ـد مااشوف بيها من الدمووع الي ماليه عيني وحجبت الرؤية عندي، كرهتهم وحقد عليهم كلهممم، كل ؏ـمري 14 سنة المثلي هسه محتارة بدروسها مو متشردة بالشواارع وبهذا الوقت ،شنووو ذنبي اتحمل مسؤولية طفل واني احتاج من يحمل مسوؤليتي!!
تعبت كُلش بس ضروري اتحمل حتى اوصل الشارع العام، يربيي خاف اكو جلاب شلوون؟ ولبسي اباوعله كيمونه وبرمودا حتى وجودي بالشارع وبهالليل غلططط!! ربييي دخيلك ساعدني ربيي ماعندي غيرك،بقت مسافه بيني وبين الشارع العام وجان اشوف مجموعه شباب جايين بأتجاهي رجلي لزمتها رجفه مااكدر احركها خطوة وحدة وهذولة قربوا مِڼـّي كُلش وعيونهم مابيها ادنى شعور يدل على الرحمة!!!
المشهد الثاني ——
طلعت منهم صعدت سيارتي واني متحلف الا افرغ المسدس براسه، ناقص من الزلم اذا ماخليته يتمنى لو ماسوى هالشي!! شغلت سيارتي وبوجهي للبيت الي بي الفاتحة منصوبه،ضليت واگف كبال البيت وراسي الي الهووسه بي ازود من هوست الفاتحة بكبرهاا، بقيت منتظر لليل وجان اشوفه اجه مقابيلي يخابر!!
-يا هلاااا والله!! اجيت و الله جابك ،وداعت شريفة بت الحسن اليوم الا اخليك تصيح التووبة!
سحبت المسدس ونيشنت بي خمس طلقات عدددل گبل وگع بالگاع ،شغلت سيارتي وطلعت بوجهي گبل …
يتبع … 👰🔪
- - - - - - - - - - - -
هاي قصتنا الجديده داداتي 💚 ضيفوها يمكم بالمكتبة علمود من نبدي انزل البارتات يوصلكم اشعار ... اما موعد النشر ف مبدئيا لسه ماتحدد وهم يبقى ع التفاعل حتى ندخل بقوووة 👀🔥
اي ف لتعيدون مأساة الروايه الي فاتت بلييز خلونا نبدي بداية حلووة وقووية ... بهالقصه ناويه نخلصها كلها فقرات وتوقعات وسوالف حلوة ومحمسة بس انتوا شدولنا حيلكم وكثرولنا منشنات وحتشووفون القصه راح تاخذ عقلكم كُلش حلوووة 💛🙊
