"وأد القلوب"
بقلمي: ورده خُزام
★★★★★★★★★★★
بـــــــارت 3️⃣5️⃣
بقينا نتراسل ونسيت اني ووين ومنو يمي ماحسيت الا لمن انسحب الموبايل مني
شلت راسي احمدد !!!
نشف دمي قطرة دم مابقت بوجهي، ايديه بس ترجف عاط بيه بعلو صوته
- وراااااي بسررررعة
حجاهه وصعد كدامي ،باوعت الولد رجعوا يكنكون كل ظنهم ع نفس مشكلتنا اني وعمر .. شهد وجها انگلب اصفرر
ضليت بمكاني ارجف وافرك بأديه بتوتر، احمد بگدما هو يحبني وميقبل عليه بس وقت يصير الجد وتوصل السالفه للثقة هنا كلشي يتغيرر!
بعدني ع وگفتني واباوع لشهد اتوسلها بعيوني تشوفلي حل، عاط من فوك
- نازززززززز
ندستني شهد :اصعدي ليحسوون ذوله ولج!
صعدت ورجليه تصعد بايه وترجع عشره خفت حيييل خفت منه، لانه ادري كلشش زين احمد اكتله ولا تخون ثقته وخاصه بسبب ماضيه صار هالموضوع مسببله عقدة.
احس روحي صخنت من الخوف ووجهي احسه گامت تطلع منه نار، وصلت لغرفته طبيت وگفت كباله واني مدنگة واتمنى اختفي بهاللحظة من كدامه بوقتها صدك حسيت بحجم الغلط الي سويته ..
لازم گلاص المي بأيد وبالايد الثانية تليفوني والوجه احمرر من العصبية، يقره بمحادثتنه وكل شوي يزيد بضغطه ع الگلاص الا ان كسره بأيده
الدم كام يجري منها بس مااهتم حجه وگوة لازم اعصابه:
- منو هذا؟؟؟
اريد احجي كلمة الساني انشل من الخوف والندم وتأنيب الضمير الي نزل عليه فجأة
رجع عاط: لج نازز هيج تصخمين وجهييي؟ هذا تالي الثقة !
اني بس ساكتة وجسمي ينفض من فوك ليجوه
عاط: قفلي الباب وتعاي يمي بسررررعةةةةةة
طبت شهد جانت واكفه يم الباب قفلت الباب واجت وكفت يمي ...
احمد: احجي منو هذا لا تخلين صوتي يعلى واخوتج يسمعون، احجييييي
گامت دموعي تصب وساكته شلوون مافكرت حيجي يوم وانحط بهالموقف؟
گام بهمه لزمني من شعري ووجهي مقابيل وجهه ويحجي من بين سنونه:
- تحجين لو افرغ المسدس براسج!
حجت شهد بخوف: لا خالو فدوه اروحلك عوفها اني احجيلك كلشي والله
سطرني راشدي فر راسي فرر، رجع كمشني من شعري وشمرني للگاع
التفت الشهد خازرها : يلا احجي
شهد: خالو هذا الولد رايدها بالحلال وخطبها 4 مرات وانتم ترفضون
احمد: الي من النجف موو؟!
هزت راسها
أنت تقرأ
وأد القلوب
Actionقصة حقيـقيـه :بقلمي انا وردة خُزام في ازقة العاصمة بيوت ثرية وقلوبٌ مُحطمة ! هُنا لا مكان لحواء وكأنها نبذت مُنذ زمنٌ بعيييد فهل ستقاوم هذا النبذ؟ ام انها ستحط رحالها عند اول عثرة! #وأد_القلوب
