وأد القلوب

Part 24

"وأد القوب "
بقلمي: وردة الخُزام

للحين وإني استاهلك
وعيوني بغيابك تبي وماتلكه شي يرضيها
للحين واني اشتاكلك
شوك اليتيم الي فكد أمه ويمر طاريها
صوتك يرن بمسمعي رحت وبقيت بلاوعي
واتمنا تمهلني ولو لحضات اشمك بيها

-مُهند العزاوي

★★★★★★★★★★★

بــــــــــارت 2️⃣4️⃣

نفس اليوم الصبح  ..

رحت للجامعة داومت استغربت زيد ماكو! ،خابرت عليه يطلعلي مغلق، دخل الخوف الگلبي بس طردت الافكار من راسي ودخلت للقاعة اخذنا محاضرتين مطبوگات سوة يعني 3 ساعات بقينا ..

من طلعنا بسرعه رحت سألت اصدقائه كلهم مثلي متفاجئين ممداوم اليوم وهو متفق وياهم عدهم طلعة .. وهم يخابرون مغلق.
انخبصنا اني واصدقائه مندري شنسوي ساعه نكول عادي يمكن صار عده ضرف ومااجه، ساعه نگول بس موبايله لييش مغلق؟

تالي صفت حسن صديقه كال: بس يخلص الدوام اروح البيته واسأل عنه
رديته بسرعه: اي  حباب گلبي نار عليه والله، گوله ملاك ضال بالها عليك ليش تغلق الجهاز

انتهت بهالاتفاق بس ابدد گلبي ماهدأ احس نار وتسري بجسمي گوة وبالياويل خلصت المحاضرات الي اصلا ماركزت بيها ولا عرفت على شنو جانت ..

كملت  اشرت الحسن حتى  اذكره، هزلي راسه .. طلعت للبيت راسي مصدع من التفكير والقلق حتى مااكلت بالكلية، دخلت بس سبحت ونمت مالي نفس بالاكل.

فزيت على اتصال من  صديقتي الي وياي بالكلية اسمها ضحى تصير حبيبته الحسن ..
-الوو ها ضحى

اجاني صوتها يبجي حجت بصوت مخنوك من البجي ..
- البقية بحياتج
كمت على حيلي والتليفون على اذني والكلمات عجزت تطلع مني ..
-ش... شكووو!
-نشغت بالبجي: زيد مات ملاك زييد راااح

حجتها وكامت تشهك من البجي، اما اني احس صار وشيش بأذني وصوتها صار مثل الصفير  .. گمت اصرخ بوجها وكلامها ميوصلني شدتگول:

- اسسسسم الله اسم الله لتفاوليييين ضحى شكم مرة گايلتلج ماااحببب هيج شقه الا زيد ضحى فدوة لعينج

متعوده عليها دوم تسوي مقالب بيه وتتشاقه ياريت هالمرة هم جانت شقى! ياريت جانت مقلب من مقالبها ..

فصلت عنها وكلامها يتردد بأذني زيد مات .. البقية بحياتج .. زيد راح
ومن جهة بدت كل لحظاتنا سوه تجي براسي لقطات لقطات ضحكنا سوه شقانا سوالفه غزلة خوفه عليه كلشي كام يترادم على راسي متسلسل ..

رجعت من فصلتي وهي تصرخ بيه:

- لج ملاك مدااشاقة زيد ماات لج عافج وراح اويل گلبي عليج يا صديقتي اويل گلبي على گلبج شحاله هسه