"وأد القلوب "
بقلمي: ورده الخُزام
الصبر لا يعني لقاءاً مُحتمل
لا خيرَ في صبرٍ إذا ماتَ الأمل
إني و إن تمضي سريعا خطوتي
في داخلي شخصٌ مصابٌ بالشلل
يا حسرتي الأمرُ المُحالُ وقوعهُ
من فترةٍ قد كان شيئاً مُحتمل
-مُهند العزاوي
••••••••••••••••••••••
بــــــارت 5️⃣
- عزااا لج ناز تذكرين الولد الي حجيتلج عنه؟!
- اني منتهية من الصخونه حتى مامركزة وياهه كلش… هممم شبي ؟
- تفتر بالغرفة وتفرك بأصابيعها وتحجي: لج اليوم اجه وحجه وياي
- شحجه
- صحصحي وياي ناز ترا دااحجي شي مهمممم!
- مدتشوفيني گوة افتح عيوني، ااااخ يمه حمووت ، نهضت روحي حتى اگعد وكتلها: احجي دااسمع ..
- اي باعي مو انتِ مريضة الصبح وگوة عفتج وطلعت؟ هناك جنت كاعده بالكافتريا وداابجي فجأة اجه واحد سحب كرسي وكعد كبالي رفعت راسي اشوف منو؟ جان انصدم نفس الولد !!
هو سحب الكرسي كعد وگال:
-عادي اگعد؟
- بگلبي كلت هو انت غير انتظرت اسمحلك؟ كاعد ويكولي عادي اكعد ..
ماحجيت شي .. صفن شوي رجع سألني
- شبيج تبجين؟
- دنكت راسي، ومديت ايدي للجنطة اطلع كلنكس، رجع كال
- موداسألج شبيج؟ احد مضوجج
- هزيت براسي لا وشلت جنطتي تأهبت اكوم .. حجه هو
- تمام نتعرف اول ،اني اسمي ايهم اداوم بنفس كليتج مرحلة ثانية، وشفتج تبجين اجيت اسأل من باب الانسانية لا اكثر ف ماكو داعي كل هالخوف
- منو كالك خايفة اصلا
- ابتسم وكال: هسه مگتيلي منو مضوجج؟
- محد، اختي الزغيره مريضه
- لا حول الله سلامتها، شبيها.. طبعا اذا تحبين تحجين؟
- فلاونزا
اباوعلة اخذله صفنه بوجهي ولمحت ضحكه بوجهه سرعان مااخفاهه بأبتسامه خفيفه وكال:
- سهلة يابة متسوه كل هالدموع تخرب خدودج الحلوة
- هنا صابني الثول مااعرفت شسوي ارزله لأن تحرش؟ زين بس هو مبين رزن مو من ذوله الي يتحرشون!
اي اي هذا ديتغزل يمكن .. امداج ثوولة واذا يتغزل؟! ليش انتِ تعرفي حتى يحجي وياج هيج!
وره ما خلص هرمون الثول خليته وكمت بدون مااحجي كلشي ..
وهو اباوعله يبتسم ويباوع وراي ويمسح ع لحيته
أنت تقرأ
وأد القلوب
Actionقصة حقيـقيـه :بقلمي انا وردة خُزام في ازقة العاصمة بيوت ثرية وقلوبٌ مُحطمة ! هُنا لا مكان لحواء وكأنها نبذت مُنذ زمنٌ بعيييد فهل ستقاوم هذا النبذ؟ ام انها ستحط رحالها عند اول عثرة! #وأد_القلوب
