وأد القلوب

Part 26

"وأد القلوب"

بقلمي: ورده خُزام

هلا بالجان مرسوم بخيالي
هلا بـ اليمشي ويضل اعلة بالي
اني لو عندي غالي بجيتك انساه
واجيت انت بوكت ماعندي غالي .

★★★★★★★★★★★★

بـــــــــــــارت 2️⃣6️⃣

وره ايام من المراسلات دگ عليه رقم غريب عمر يمي كاعد بوقتها ابتعدت عنه ورديت ..

-الوو؟

اجاني صوته بكل وقاحة وحقارة يبشرني باجر  خطوبته!!!

سديت التليفون بوجهه بدون مااحجي وياه حتى كلمة،مانزلت حتى دمعة مِڼـّي بس احس غصة جبيرة بگلبي ديشوفني اني حياتي ماشية وماوگفت عليج!

رفعت راسي للسما الوجع  الي بصدري بس انت تعلم بيه ربي،
ربي اذا الي حق عندك وحوبة اريد تبين حوبتي بيهم،ربي انت دتشوف وتحكم وحكمك على طول بالعدل حاشى لجلالتك تظلم احد لو ماتطلعله حقه!
اريد حقي منهم اذا الي حق يمهم اريدك تبين حقي ..

رجعت يم عمر مخنوگة واحاول ابين طبيعيه .. هو شك گال: نازز شبيج شو مو على بعضج؟ منو جان المتصل!
-ابتسمت بوجهه بالجذب:لا حبيبي مابيه بس احس تعبانه راح اروح الغرفتي امدد

صعدت الغرفتي گوة اجر خطواتي دخلت لفراشي حضنت نفسي ودفنت وجهي بالمخدة وانطيت  الاذن لدموعي  ..

گمت ابجي بنشغة وصوت مخنوك  .. بجيت بجيت لحدما تعبت وغفيت والدمعة بعيوني ..

مشت الايام .. وره اسبوع تزوج هو سوسن گالتلي اباوع اهلي منتبهيلي وخايفين عليه خاف انهار ،تصرفت ممهتمه واضحك واسولف وياهم، ومن اختلي بنفسي دمعتي متنشف ..مو حبا بي لا والله .. اشمأزت نفسي منه وكرهته  بس ابجي على نفسي اني بجهة ابني بجهة حتى امه ميعرفها! ،وابوه الي مامهتمله ولا سائل عنه ،شنو ذنب هالطفل تحمل نتيجه هالزواج الفاشل وانحرم من امه وابوه!!

انتكست حالتي وره ايام يلا رجعت طبيعيه بوقتها امي شافتني حالتي حالة وگفتلي بالباب مبدله وكاشخه صاحت :

- يلا لج گوومي بدلي دنطلع، مورمتلي عيونج من البجي ووجهج اصفر ياريت على واحد يسوى!

مشكلتهم ميفهموني من ابجي وازعل عبالهم ابجي عليه لو لسه احبه .. وعلمود هالشي ماابين گدامهم بس ماما ماتفوتها تعرفني

گمت بدلت وطلعت وياهه اول شي رحنا تسوگنا وافترينا بعدها تغدينا بمطعم اخر شي رحنا للصالون تنضيف وتعديل صدك غيرت من مودي ونسيت ..
رجعنا للبيت هلكانين تعب كبل ذبيت روحي نمت .. ثاني يوم صادف جمعة واحمد نازل.  عزمنا شهد ونغم يمنا وحضرنا مشاوي بالحديقة احمد الي يشوي احنه بس حضرنا الزلاطات ورتبنا الفراش بالحديقة ..

ضحك وسوالف ولمة حلوة وماتخلى من مناكرنا اني ومهيمن لو عمر وبابا مكيف بينا بس يبتسم بفرح وهو يباوعلنا.