"وأد القلوب"
بقلمي: وردة الخُزام
سديت بيبان الصلح
ماريد اشوفك وانجرح
يومية اطلع مبتسم
وارجع لأهلي مدمه
مو يمي عيش لوحدك
وانتهى البيني وبينك
بالبيت وانت مرايتي
وماخلي عيني بعينك
جذاب اعرفك مو ذهب
والي يحبونك غشمة
وماريد اكول شكبرك
كل بشر يعرف حجمة
-مُهند العزاوي
★★★★★★★★★★★★
بـــــــــــارت 1️⃣9️⃣
دنكنا وسرعنا مشينا التفت وره بسرعه واباوع ذولة ورانه، استمرينا نمشي .. ماادري شلون افتروا ومنين طلعوا انصدم واحد صار ورانه وواحد گدامنا !
بقينا محتارين نرجع لو نتقدم ليكدام .. ضلينا نمشي ونرجف من الخوف ونسمع الي ورانه يحجي يحلوو مو احاجيك؟!!
گلت لشهد :امشي سريع ومعليج بلي گدامنا .. بقينا نمشي، وصلنا يم هذا اباوع مكيف وعلى وجهه ابتسامه حقيره عبالك حصله على فريسه. بحركه وحده تقرب يمنا ولزم ايدي احس روحي بركان غضب وفار بوجهه طلعت الي بداخلي كله بي تفلت بوجهه وانطيته راشددددي.
اباوعله ضل مصدوم مامتوقعها مني، انطيته الراشدي واخذت ايد شهد وركضنا وهمه ورانا، ركضنا مسافة وهمه لسه ورانه، شهد تعبت حييل كمت اجر بيها كوه واركضها وياي .. اباوع من بعيد شفت سيارة جايه بأتجاهنه، قربت شوي هو اني عرفتها لو احس روحي ردتلي .. احمددد هاي سيارة احمدد
السيارة بعيده عنه ،كمت اصيح بعلوو صوتي :احمدددددد
ذوله الي يركضون ورانه من عرفوا الي جاي يعرفني خلوا وانهزموو .. بس احمد ماشافنه، عبرنا يريد يروح لبيت نغم.
كمنا نركض وره السياره ونصيح بأسمه، شوي والسياره خففت سرعتها ووگفت ونزل منها احمد اجانه يركض:
- شتسووون هنا؟ شبيجن احجن؟
- وكفنا فحطانين من الركض حتى صوتنا ميطلع وهو اتخبل من اشكالنا خصوصا اني من ضرب نغم ملعوب بحالي فلم!
راح يركض لسيارته طلع بطل مي وغسل وجهي ورجع على وجه شهد، ووجها متروس قلق.
ارتاحينا شوي وحجيناله الي صار ويانه .. واني ضليت اعتب عليه شلون مارجع بسرعه النا ..گال
- على بالي والله، وگوة كاعد افكر بيجن بس يمنه خطار وماگدرت اخليهم واگوم .. وذوله الدياح مدري بيا شارع دايحين.
ضل يباوع الشكلي ويتنهد ويسب بروحه انوب تقرب حضني ويبوس بيه ويتعذر ورجع على شهد هم حضنها ..
شوي ونهض عدل ملابسه وگال: يلا بوويه گومن
- وين؟
- نروح نجيب نغم البيتنا هاهيه مستحيل بعد ابقيها هناك!
اني وشهد ضلينا وحدة تباوع بوجه الثانية والخوف رجع اكتسى ملامحنا ..
ناز: احمد احنه نخاف ندخل للبيت روح انت
شهد: اي خالوو اني مستحيل ادخل ذاك البيت بعد .. لو تدري شصار بينا هناك
احمد: ادري ترا ادري مو سولفتن!
أنت تقرأ
وأد القلوب
Actionقصة حقيـقيـه :بقلمي انا وردة خُزام في ازقة العاصمة بيوت ثرية وقلوبٌ مُحطمة ! هُنا لا مكان لحواء وكأنها نبذت مُنذ زمنٌ بعيييد فهل ستقاوم هذا النبذ؟ ام انها ستحط رحالها عند اول عثرة! #وأد_القلوب
