"وأد القلوب"
بقلم: ورده الخُزام
أن داهمتني حسرتي.. يا ربي ما اقساها
أبدو ضعيفاً عندها.. طفلاً إذا اخشاها
طالت عليه نهايتي.. أحتاج أن ألقاها
لو كان عمري باسما.. لا ما رجوت لقاها
للمبدع مُهند العزاوي
^^^^^^^^^^^^^^^^^^^^^
بــــــارت 3️⃣
حجه هيج وخله وطلع ..
واني انهااريت صليت ابجي واصيح ورفولة تهدي بيه الولد جانوا مو بالبيت بس اني ورفل ..
- لج رفل لْـۆ تدرين بأبن عمتي شنوو؟فد واحد عيونه نگسه وقمرچي لْـۆ امووت مااخذه والله
- اهدي حبيبتي راح تموتيها لروحج! ،هسه يجوون الولد وهمه يحجون وي عمو
- ماادري رفل ماادري اني بعدني زغيره مااريد زواج والله
- اجتي حضنتني وهي تكولي: لج شبيج هسه انتي تزوجتي وگلبتيها مناحه؟!
هسه يجي احمد ونحچيله اششش كافي عمري اهدي اهدي
ضلت حاضنتني وتهدي بيه واني خايفه من تهديد بابا صح مااحب المدرسه وكلت يجوز اترك بس مااريد ازوج وشلون زواج غصب!
ضلينا يوميه مشاكل اني وبابا، احمد چان عنده لجنه جايتهم مااعرف شنو ف مايجي للبيت وبابا استغل هالشي لان يدري كُلش زين احمد مستحيل يقبل عليه لْـۆ يقبل يزوجني لواحد مثل مروان.
مر اسبوع ع السالفه وبابا مابطل مِڼـّي كل مرة يرجع يحجي وياي واني اغلس .. اليوم چنه اني ورفل كاعدين بغرفتنا اجه هو من الباب كال …
- باجر يجون يطلبون ايدج اني گتلهم اعتبروها صارت الكم بس همه يردون يسمعون منج .. ف لْـۆ سمعت رافضه يا ناز وحق الحق محد يخلصج من ايدي اموتج خلاص!
- بابا كتلك مااريد حباب
- اشش صوتج ماسمعه اول وتالي البنيه لبيت زوجها، اني مااخلي بت تكبر عدي وتالي .. راد يكمل حجايته وگطعها وهو يكول …
- مثل ماگتلج جهزي روحج باجر
- صرخت بي بعلوو صوتي: اطرد المرة والله ! ،ليجون احسنلهم
احجي ودموعي تجري وارجع امسحها بس ماسكتت ابد هو بس حجيت هيج هجم عليه تولاني ضرب وين ماتوگع ايده واني جواه لا حول ولا قوة ورفوله تدفع بي وتحاميلي وتتوسل بي:
-لا عموو لا حباب لا تضربها
- لج وخرري عني خلي اربيها الهالسززز، دااشوف تطرد منوووو؟!!
اني جوه ايده مستسلمه لضربه واناشغ من البجي وهو كل ماتصير رفل كدامي حتى تمنع ضربه يدفعها ويجرني منها، نص الضرب وگع بيها بس ابد ماابتعدت ولا بطلت توسل
- عمووو راح تمووت كااافي، لعد شكوو خلصتني من اخوااني اذا انت هم تضرب مثلهمممم؟!!!
هو جان يضرب بس حجت هيج ابتعد وهو صافن بوجها ،واني بين دموعي وجسمي الي كام يوون عليه من الضرب لمحت بعيونه نظرة ندم مدري تفاجى ماادري ماكدرت افسر شنو هالنظرة .. بس سرعان مااختفت ورجع لطبيعته ،اقترب مِڼـّي وهو لازملي اصبعه بتهديد ويلهث ويحجي:
أنت تقرأ
وأد القلوب
Actionقصة حقيـقيـه :بقلمي انا وردة خُزام في ازقة العاصمة بيوت ثرية وقلوبٌ مُحطمة ! هُنا لا مكان لحواء وكأنها نبذت مُنذ زمنٌ بعيييد فهل ستقاوم هذا النبذ؟ ام انها ستحط رحالها عند اول عثرة! #وأد_القلوب
