وأد القلوب

Part 33 تكملة

"وأد القلوب "

بقلمي: ورده خُزام

★★★★★★★★★★

تكملة بـــــــارت 3️⃣3️⃣

عزلنا البيت من الهوسه اني والبنات ونظفنا ل 12 سوينه عشه وگعدنا كلنا نتعشه .. جانت كلها موجوده ابيت عمي ابويه اخواني وعماتي
دنتعشه وصوت صريخ ترس البيت ثواني واندفعت الباب بكل قوتها ...

زوجها لرغد يجرر برغد من شعرها ووجهه محتقن ينكط شرر، شمرها جوه رجل عمي وصاح

- هاك اغسسسل عااارك بنتك ماخوذه ليگدام ..

عمو تخبل وولده صار مصايح ناس تتصايح بوجه ناس

عمار: وشلوون استنتجت بتنا ماخوووذه ؟
لك ابني لا تكسر بسمعه البنيه حرررام
صاح رجلها: ماطلع دددم ماطلع منها دددم!

استمر الصياح بينهم والوجوه كلها ماتبشر بخير، ورغد سوده عليه مشموره بالرجلين ودموعها تجرري جايبها بسيت النوم .. بنص هالهوسه ومنحس الا عمي مخلي مسدسه براسها!

مو عمو الي هو ابوها؟ لااا
عمو المجرم الي جان يقتل بناته بمجرد ماينولدن ع الدنيا ..

اني من شفته خله المسدس براسها تخببلت جسمي صار يررجف صررخت بي: لااااا عوووفهاا
وهي الي جانت بس تبجي من حلات روحها گامت تصررخ: والله مظلوومه والله محد لامسسسسني

ركضت عليها اريد اخليها وراي واحاميها بس مالحگت!
بين ماركضت الها وصوت الرمي ترس البيت طلقات متتالية ماعدت اميزهن شگد ثلاثة، اربعة،خمسه ... ماعاد يهم عددهن الي يهم اخذن روحها الرغد ..

امها جانت جوة بالبيت وي طلعتها شافت بتها سابحه بدمها، الام انجنت رسمي ملخت نفسها گلبت الدنيا بالصراخ .. او الاصح الكل جان يصرخ ماعاد يتميز صوت عن صوت البيت انگلب بس صريخ ..

شمرنه نفسنه عليها اني وامها، اصررخ بأسمها واگلب بجسمها

رررغد گوومي رررغد احاجييج

واني داشيلها وانصدم دتنزف من جوه!
امها بصفي من شافتني ركضت رفعت ثوبها شافت الدم لو تهسترررت

- كتلتوهااااا ولكم ماانتظرتوو كتلتها ي ناصررر المجررررم خلصت بناتك ورديت ع بنتي يالماتخاف الله

روبها الابيض صار قطعه حمرره من الدم شي من جوه وشي من راسها .. زوجها من شافها نزفت خله ايده ع راسه وكام يبجي مثل الطفل

ماتتت مظلووومه بسبب منوو؟ بسبب عمي!

بس الحقيقه الي قتلها مو عمو، عمو جان مجرد اداة للقتل الي قتلها هي العادات والتقاليد الي تحدد حياة كل بنية بينا ..
العادات الي تحدد شرفنا وعفتنا من خلال نقطة دم!
اذا ما نزلت هالنقطة تنتهي حياتنا وننعت ب العار ...
شكم رغد ورغد انقتلت وانكسرت فرحتها بهيج يوم لمجرد مانزل دم!!