وأد القلوب

Part 23

"وأد القلوب "

بقلمي: وردة الخُــــزام

صَعبة أگدَر أمشي وَحدي
الناسّ شافتنا سوية
و لحظة الـ سألوني عَنّك
جَربت طَعم الـ أذية ،
چَنّا نَستَخطي الـ يحب لمَن يفارگ
يعني هَسه إحنا خطية !
كُلشي ما باقيلي مِنّك
ليش كُلك باقي بية ؟ .

★★★★★★★★★★★

بــــــــــــــارت 2️⃣3️⃣

فزيت بالوحدة بالليل، لحظات يلا ادركت اني وين وشنو صار وياي وليش اني هنا .. دخلت للحمام غسلت وجهي ورفعت راسي للمرايا اباوع وجهي مخرمش ومزلغ بعده اماكن، اني الي خرمشته ومجنت حاسه على نفسي.  وجهي ذبلااان وجوه عيوني هالات سوود، غسلت وجهي وطلعت من غرفة احمد كلها ..

نزلت جوة لكيت عمر ومهيمن لسه گاعدين، رفعت ايدي سلمت بلا مبالاة همه كامولي بهمة واحس واحدهم يسبق الثاني حتى يشوف شبيه ..

گعدت ع القنفة يمهم ولميت رجليه لصدري واخذت وضع السكوت بس اباوع عليهم بعيوني، الحالة الي نوصلها بعد مانخسر كُلشي وماعاد يهمنه شنو راح يصير بعدها، من تحس نفسك بارد خامل ما الك نفس بالحياة ولا يعجبك حتى الحلوو بيها .. حياتك كلها تُصاب بفتور فضيع.

مهيمن: جوعانة حبيبتي؟
هزيتله راسي، فعلا جنت حيل جوعانه بس بالوقت نفسه مالي نفس بالاكل كلة ..

عمر: شنو رأيج نطلع ناكل بره؟ اني عازمج على مطعم الا بشده!
باوعت بوجوهم محتارين شلون يغيرون عليه، هزيتلهم راسي ب أي

رحت صعدت لغرفتي لبست لبس بدون مبالاة وشعري رفعته كعكه يضوجني ونزلت، لكيتهم منتظريني، صعدنا بالسيارة همه ليگدام واني ليورا.

بالطريق طلعت بالسيارة اغنية راحوا الله لا ردهم مشفت الخير من عدهم.

بوقتها الاغنية غيرت هواي من تفكيري وبينتلي بالفعل هو الي خسرني مو اني! ،نزلت دموعي على خدي بهدوء بس هالمرة مو عليه .. لا على وقتي الي ضيعته وياه، على دموعي الي نزلتها على انسان مايستاهل قطره دمع مِنـي..
مديت ايدي بسرعة مسحت دموعي واخذت عهد على نفسي اتغير ومن اليوم مااخلي شي يكسرني كائن من يكن.

صدت عيني بالمرايا شفت عمر يباوعلي بحسره تنهد ونزل عينه، ومد ايده طفه الاغنية، صارت هدوء بس صوت الهوى يضرب بالسيارة ..

ضلينا نفتر بالسيارة هواي يلا لگينا مطعم مفتح بهالوقت، نزلولي كنتاكي على بيتزا ترسوا الطاولة .. اكلت هواي على واهسهم وضحكهم وسوالفهم ..

مهيمن خلص گام يدك على بطنه خفيف ويصيح:

- هسه اني يلا حسيت بمعاناة الحامل

ضلوا يحششون واني اضحك على سوالفهم عاد صدُك طلعوني شوي من وضعي .. اخذلة صفنه بوجهي جان يگول