وأد القلوب

Part 15

"وأد القلوب "

بقلمي: وردة الخُزام

عامان مرن وقد اخفيت احساسي
على اهلي على صحبي على ناسي
اصير گبالهم واسكت ومايدرون
شنو هاي المصيبة الضامها براسي
تُناديني جموع الناس يا ثملا
وما بصرو نزول الخمر في كاسي
تاليها و عرفت الزين للموزين
وكلمن گلبة طيب يوگع بقاسي

-مُهند العزاوي

★★★★★★★★★★★★

بـــــــــارت 1️⃣5️⃣

داانظف مندمجه وفجأة حسيت خيال مر من گدامي لو شهد مو كدامي جان كلت خيالها .. تعوذت من الشيطان ورجعت انظف، ربع سَـآعــهْْ ورجع الخيال خطف كدامي!  ...صررخت

- ش شههد شهد والنبي شفت خيال مر من گدامي

احجي وارجف كلي من فوگ ليجوة،

شهد: شبيج يول؟
ناز:لج دااكولج والله بهاي عيني شفت خيال خطف من گدامي مرتيييين
شهد: خاف تتخيلين؟
ناز: لا ابدد
شهد: ضلي رددي ايات لتسكتين ..خرررب انوب حتى لو ماكو شي راح تضل السالفه ابالي

رجعنا انظف بس اتفقنا نضل سوه منتفارق، بين المصدكين وبين الشاكين.

شهد: اول مادخلنا للبيت ماارتاحيت وحسيت بخنگه بس فسرت هالشي بسبب الوصخ والاتربه الي تارسته ف گلت الهالسبب ديخنگ ..

بس من حجتلي ناز، حسيت بالخوف مع ذلك ماردت اخوفها واحتمال يطلع مجرد تخيل .. بقينا نشتغل سوه وماافترقنا، طولنا انظف بالساعات ماشفنا شي ف اطمئنينا وتأكدنا احنه يتهيألنا ..

قريب ما دنخلص عفت ناز تنظف بالطابق الفوك بقه عدها شوي،ونزلت جوة اساعد ماما ..

-ها ماما بشري كملتي؟
نغم: بعدلي شوي من الاستقبال والمطبخ بعده ..
شهد: تمام اني راح ابلش بالمطبخ من تجي ناز خلي تجي وياي

بديت انظف وادندن، اجلف بالحيطان جلففف، اضاءة المطبخ خافته، اجلف وبالي مو يمي ادندن واشتغل، فجأة صدت عيني ع الحايط واحد واگف وراي بس خيال جبيييرر عبالك مو خيال انسان، بحيث خياله على طول الحايط.

التفت ليورا واذكر الي حجته الي ناز، ماكو شي، ضربت كصتي
- شدعي عليج ناز گام عقلي  يتخيل بكيفه

رجعت اجلف بس مو مثل قبل كمت اجلف بشكل فوضوي والخوف تملك كلبي .. وره شوي رفعت راسي طلع الخيال بنفس المكان، بس يتحرك مثل الي يترنح بمشيته واخر شي استقر وراي مباشرتاً، وشلون الايدين التفت حولي شلون الي يريد يلزمني، گلبي من الخوف الي صابني احس ماگمت اسمعه عبالك وگف، التفت على كيف وجسمي يرجف، غمضت عيوني وفتحتها بخوف بس الي خبلني ماكو شي!!

كمت افتر بالمطبخ وادور وعلى شنو ماادري ماكو اي خيال .. ركضت يم ماما وجسمي شلون الي صايبته نفاضه؟ ارجف كلي.