"وأد القلوب"
بقلمي: ورده الخُزام
تفارگنه وتأكدت
الموت لا ينلغي ولا نگدر نأخره
وشحجيلك ع القلق
خايف اخسرك چنت وتمنيت خايف اظل
ما ردت اصيرن بشر ما عنده شي يخسره
-مُهند العزاوي
••••••••••••••••••••••
[بارت مفاجئ لعيونكم الحلووة 🙊♥️🔥]
بـــــــارت 7️⃣
رفعت راسي دااشوف شكله، ذبيت نفس براحه الْحمد لله مو مثل متوقعت! تخبلت گلت يجوز يطلع بعمر احمد لْـۆ اكبر ، جان شكلة مرتب كُلش وشخصية اله والكشخه مالته طاغية .. ك عمر ماكدرت اعرف عمره بس يعني يطلع اكبر من مهيمن يجوز .. ماادري بس هيج خمنت ..
صحيت من شفته صافن بوجهي، اجتي رفل گالت …
- يلا تعالو گصصوا الكيك
- رفعت فستاني خاف اعثر بي ومشيت قبله وهو اجه وراي
لبسني الذهب واني لبسته حلقتة وساعة .. اثناء مديلبسني بالذهب همس قريب من اذني …
- ماتوقعتج بهالجمال !
وخر هو وضل واكف يمي حجيت بصوت ناصي بس سمعه كلت …
- واني توقعتك شايب
فززني بضحكته، ضحك بصوت عالي، حتى الكل انتبه عليه .. وراها رحنا گصصنا الكيك، شوي ودزوا عليه جماعته، هز راسه ب اي وتقرب مِڼـّي باسني براسي ونزل لخدي باسه بوسه خفيفة، لحيته جككت وجهي جسمي كله احسه گام يرجف گمت ابعد بوجهي عنه بس اريده يروح .. اخر شي ميل راسه لرگبتي اني متت من الرجيف ووجهي احسه صخن نار .. هو بحركه سريعه نزل ع ركبتي باسها سريع وخله وطلع ..
من راح يلا جريت نفس وارتاحيت شوي .. رفل اجتني تضحك وتغمز، رجعت لمكاني المحدد شويه وفضت الهوسه كلها طشت بقن بس خالاتي وبيبي ونسوان عمامي .. اني تعبت كُلش اشرت لرفل تجي تساعدني اصعد .. اجتني صعدتني لغرفتي بسرعه بدلت الفستان ومسحت المكياج، حسيت جسمي خف الثكل عليه ارتاحيت.
ورة الخطوبة ب 5 ايام اتصل عليه رقم غريب (ورة خطوبتي احمد اشترالي تليفون هديه) .
جاوبت ع الرقم …
- الوو منو؟
- اروح فدوة للألوو
- منو مازن؟
- افااا اكو وحدة متعرف صوت رجلها؟
- مو رجلي ترا خطيبي
- ولا يهمج خطيبج خطيبج بس لتعصب يحلوو
- سكتت ماحجيت شي .. بس شو هذا بسرعه ضرب ميانة ويتغزل، هو اني شعرف منك متكولي!
من شاف صوتي ماكو صاح …
- الوووو، وينج وياي؟
- اي دااسمعك
- رقمج اخذته من اختي قبل لتسألين .. واني راح احجي وي ابوج حتى نطلع سوه نتعرف ع بعض .. اريدج تتعودين عليه
أنت تقرأ
وأد القلوب
Actionقصة حقيـقيـه :بقلمي انا وردة خُزام في ازقة العاصمة بيوت ثرية وقلوبٌ مُحطمة ! هُنا لا مكان لحواء وكأنها نبذت مُنذ زمنٌ بعيييد فهل ستقاوم هذا النبذ؟ ام انها ستحط رحالها عند اول عثرة! #وأد_القلوب
