وأد القلوب

Part 11

وأد القلوب"
بقلمي: وردة خُزام

هم تدري شيحس الكلب لمن يريد اعزازه
ينجاب طاريك وافز واضحك بوجه اليستفز
واتحمل استفزازه ما اكدر ازعل واختلف
يادوب عندي شكم جتف بيهن انشال اجنازه

-مُهند العزاوي

••••••••••••••••••••••••••

بـــــــــارت 1️⃣1️⃣

جفلت من سمعت الباب تنفتح واجه مازن بأتجاهي يطوطح سكران، حطيت ايدي على گلبي اجر نفس براحه .. حتى لو كارهته بهاللحظة وحتى لْـۆ جايني بهالحالة المخزية بس مجرد وجوده هنا يعني اگدر اامن وانام ..

اجه گعد كبالي حجايه افهمها وحجايه لا، صاير خرگة فد مرة .. گال

-ن نا نا ناززز ااااسف مو بي بيددي و ووالله ممم ماا ماادري شش شنوو الي يخلينييي ا اذيج، ااا احببببج لا تعووفييني

:اباوع عيونه حمررر وريحته تمووت ماتحملت ركضت للحمام اتقيء من ريحته گلبت معدتي، طلعت من الحمام لگيته نايم بمكانه مريت من  يمه تفلت عليه ورحت نمت ع الجرباية ، من گد الخوفه والهبطة الاكلتها بس حطيت راسي ع المخدة غفيت ..

گعدت الصبح على صوت الباب تفلشت تفلش گمت اتعثر اريد اوصل للباب بس طريقه الدك ربكتني وخوفتني، فتحته چان تطلع عمتي بوجهي، كتلها
-صباح الخير
- اليشوفج يشوف الخير؟  بس السحورة تركض وراه .. دنزلي نزلي سويلي ريوگ

حجت هيج ونزلت كدامي .. رحت غسلت وبدلت ونزلت جوة جسمي لسه يون عليه احسه واليوم زايد الالم لان متكسر التعب بيه ..

نزلت وراهه محد جان موجود كلها لسه نايمة ..سويتلها الريوك وهي تباوعلي واني اشتغل شوي وسألت:

- هذا البطنج عايش؟  تحجي وتعوج بحلكها
- اي الحمد لله مابي شي

ضلت مدري شتحجي بينها وبين روحها تدعي عليه مدري تسب ..

كملت الريوك وجبته خليته گدامها .. بدت تاكل هي، ضل السؤال ياكل بيه مگدرت اتحمل ف سألتها:

- اگول عمة انتِ ليش تكرهيني ؟من حقي اعرف ليش هيج دتسوين وياي بشنو مأذيتج اني!

- جانت شايله لگمه بأيدها ذبتها بالصينيه ورفعت راسها الي والواضح بدت تصير عصبيه ، اخذتلها صفنه بوجهي وراهه حجت …
- تردين تعرفين ليش اكرهج مو؟ اكرهج على كره امج، واذا ماكسرت گلب امج بيج مااتسمى حميده
- زين شمسويتلج ماما؟
- شمسويتلي؟  ولج انا خلصت عمري بالفقر والعوز وهي بت العز والجاه، هي مدللة وانا مثل الخدامه ...ااااخ وين رديتيني فلا اخليها الج ي مريم

نست روحها يمكن صارت صافنه بعيد وهي تتذكر وتتوعد لأمي والي .. شوي حست على روحها، صاحت بيه

-امشي گوووومي من وجهي عاااابت هالوجه الفگرررر بت ام السحووورة

عفتها وطلعت للگراج اغسله، عرفت نفسي طحت بعائلة لا ذمة ولا ضمير ،الابو اعوذ بله كافر مدري يهودي، والام تنتقم من امي بيه والابن عربنانه وين ميدفعوه يروح ..