"وأد القلوب"
بقلمي: ورده الخُزام
حتى الجَمَالُ
إذا رآكَ مُرَدِّدٌ ما أجمَلك
الثَّغرُ
دارَ بحُسْنِهِ قلمُ الشِّفَاهِ
وقَبَّلَك
هل أنتَ تِيْهٌ أم هدَى؟
هل أنت نورٌ أم مَلك ؟
••••••••••••••••••••••••
بــــــــارت 9️⃣
ضجت كُلش والدمعه وكفت بعيني بس رديت بحرگه وعصبية …
- انت كُل عقلك دتحجي؟!
-قابل دااشاقة؟ ناز ترا صار هواي صابر اعترف اني احبج ف مااكدر اتحمل اكثر من هيج
- زين انت دتشوف وضعي هسه مال عرس!
سكت مارد وتقرب مني لزم وجهي بأثنين اديه وحجه بصوت قريب للهمس والتوسل …
- حبيبتي اعرف لسه حزنانه على صديقتج بس والله مدااكدر اصبر
- صوته بي نبره توسل مو بأمر، ف خفف من عصبيتي جنت ناويه اتعارك واسويها هوسه، بس هم مو عذر شنو اتزوج واختي حتى الاربعين مطلعت؟!
- مازن ع الاقل تطلع الاربعين؟ غير هيج مالي كل واهس ولا خلك. كل لهفتي وفرحتي راحت وياهه، حجيتها ونزلت دمعتي .. تقرب هو مسح دموعي وحط راسي ع صدره :
- كافي مااريد اشوف هالعيون الحلوة تبجي بـعد! ... اريد اشوفهن بس يضحكن
- ابتسمت من بين دموعي وشددت حضني اله
- دنگ باسني براسي ويشم بشعري ويهمسلي بكلمات غزل، شوي ودك موبايله، طلعه من جيبه بس باوع منو المتصل اطاه رفض ورجعه لجيبه وهو يكولي:
-يلا حياتي اني صار لازم اروح
-وخرت راسي من صدره وسألته: منو الي اتصل ؟
- مو مهم .. هسه ع اتفاقنه وره الاربعين العرس مو؟
- هزيت راسي
خله وطلع هو …
راحت ايام .. ومازن صار قريب الي بشكل بحيث يقضي اغلب وقته وياي، اذا جنت احبه قبل ف هسه اضعاف ..صار مصدر قوة وامان الي وتعلقت بي وبوجوده بحياتي بحيث الي ميتصل او منحجي وي بعض احس شي ناقص بيومي ..
مع هذا مانسيت رفل ولا غابت عن بالي لحظة، وين اروح وين اگعد هي گبال عيني، كل جزء بالبيت يذكرني بيها، اروح للمطبخ اذكرها لغرفتنا اذكرها للحديقه اذكرها، بأختصار جسدها غاب عني بس روحها سكنت وي روحي.
واجه يوم الاربعين واني كلي لهفة حتى اشوف اختي .. سبحان الله هو مجرد قبر من حجر بس من نروحله نرتاح وكأنه شايفين صاحب هالقبر؟!
بس وصلت القبر صرخت بعلوو صوتي
- اجيتج يروح اختج اجيتج، راح اتزوج شنو متجين تزفيني بأيدج!! ،اشتاقيتلج رفللل كوميلي كاااافي نوووم لج احتاججج!! ،جربت وشفت والله مااكدر اكمل دونج، البيت بكبره يخنك ومينطاق روحج الحلوة معادت بي، صوتج ماعاد ينسمع اشتاقينالج رجعي ابووس ايدج
بقيت اعاتب واصرخ وانحب لحدما سحلوني من گبرها كوه.
رجعنا للبيت راسي هالكبرة من البجي واللطم عليه، بس حطيت راسي ع المخده نمت ماحسيت بشي ..
ثاني يوم كعدت ع صوت مازن وهو يگعدني الساعة 1 الظهر
مازن: يلا حبيبي شو كعدي؟ كافي نوم ترا من الصبح اني هنا مو عيب شاتلتني! حجاهه وابتسم
- ابتسمتله وكمت غسلت ورحنا تغدينا سوه وبقه يم الولد بالاستقبال للعصر يلا راح بعد ماحددنا موعد العرس بعد يومين ..
أنت تقرأ
وأد القلوب
Açãoقصة حقيـقيـه :بقلمي انا وردة خُزام في ازقة العاصمة بيوت ثرية وقلوبٌ مُحطمة ! هُنا لا مكان لحواء وكأنها نبذت مُنذ زمنٌ بعيييد فهل ستقاوم هذا النبذ؟ ام انها ستحط رحالها عند اول عثرة! #وأد_القلوب
