"وأد القلوب "
بقلمي: ورده الخُزام
بـــــــارت🔟
لحضة صمت على تفاجئ من كلامها! ،عم الصمت لدقايق والكل صافن بوجهي ..واني فتحت عيوني على وسعهن ،اباوع كل العيون عليه تشير بالاتهام واني جمد الدم بعروگي لشتي گامت ترجف واني اشوف مازن هجم بأتجاهي …
امها گلمت تحضن بتها وتردد حسبي الله ونعم الوكيل تريد تمشي بنتي بطريق الگ *** .. وعمتي خوب الله جابها الها ماخلت كلمة ماسطرتها عليه ساقطة ام السحورة انوب تريد تعلم الطفلة على سوالفهااااا؟!
اني هذا كله مو يمي عيني على مازن الي هجم عليه واخذني سحل من شعري صعد بيه لغرفتنا، جسمي كله كام يرجف، طفلة طفلة هيج تتبلى عليه؟
زين شنو سويتلها اشو هاي اول مرة اشوف خلقتها! دخلني للغرفة وراح قفل الباب واجاني، عيونه حمرر من العصبية ووجها كله شر .. گمت ارجع ليوره واگوله:
- ما ما مازن والله چذب، والله مااعرف منو هذا الي تحجي عليه
اني ارجع ليوره واتوسل واحلف وهو يمشي بأتجاهي ،خفت منه اول مرة اشوف مازن بهالحالة انگلب شخص ثاني مو مازن الحنون الي يحبني، لا لا هذا واحد ثاني وجهه كله شر مبي اي رحمه ولا حتى مجال للنقاش!
واني امشي وصلت الحايط، دگ ظهري بي .. تخبلت كمت اتمنى الحايط بي فتحه حتى اطلع .. ادفع بروحي ع الحايط عبالك راح يخلصني منه، بس وين؟ وهو وصلني ولزمني من ايدي حييييل وصررخ :
- منو هذا لججججج منو احجييييي
- لشتي ترجف اريد اسيطر احجي كلمة ماكو ... رجع صررخ بصوت اعلى :
- لتسكتييييييين احجيييي منو هذااااا، صاحبج مووو
- ما عرفه والله وداعت اخواااني ماادري منو
- لتخبليييني داگولج سولفييييي، اذا متعرفي ليش اعترفت عليج!!!
- مادري مادري، ااا جي جي جيبها هنا مستعدة احلفلك مااعرفه والنبييييي
-شفته سكت شوي، تجرأت واني ارجف ودموعي تجري، تدنيت يمه ردت احضنه بلكي يهدأ .. تقربت بخطوات حذره ومتردده خليت ايدي على جتفه شفته بقه ساكت تقربت بخطوة سريعه حضنته واني اگوله:
- مازن حبيبي وداعتك عندي مااعرفه ولا حتى ادري ليش هي خلت اسمي بالنص!
بس كملت جملتي وهو شمرني بكل قووته لمن وگعت بالگاع، صرخت من اثر الوگعه اجت على مقعدي حسيته نرض ررض .. گمت اتألم، بس سرعات مانسيت المي واني اشوفه ماهمه شنو سوه بيه واتقدم انهال عليه بالضرب راشديات رفسات حتى بوكسيات ضربني گمت ماادري الضربه منين تجيني، اصررخ واتوسل اله وهو يزيد ماينقص .. تعب من الضرب گعد على صفحه مني وهو يلهث .. باب الغرفة تكسرر وصوت سوسن يوصلني وهي تعيط:
-لك افتح الباااااااب لتسوي شي للبنيه حامل
-مااااازن افتح خابرت مراد ،داگولك افتح!!!!
ولا اهتم الها على گعدته يتنفس سريع ويباوعلي بتوعد كأنه يكولي لسه مخلص حسابج وفعلا گام بسرعه واني اشوفه يدور بالمجرات ،طشر الغرفه كلها، اخر شي شفته ركض للحمام وطلع وهو بأيده موس!
أنت تقرأ
وأد القلوب
Acciónقصة حقيـقيـه :بقلمي انا وردة خُزام في ازقة العاصمة بيوت ثرية وقلوبٌ مُحطمة ! هُنا لا مكان لحواء وكأنها نبذت مُنذ زمنٌ بعيييد فهل ستقاوم هذا النبذ؟ ام انها ستحط رحالها عند اول عثرة! #وأد_القلوب
