وأد القلوب"
بقلمي: وردة الخُزام
مو شفتي روحي تفطرت ومتاني حبكم كَطره ...
وما كَلت ليش اتعذبت !!
جنت ادري اليحب من صدك يرتاح بس بكبره ..
-مُهند العزاوي
••••••••••••••••••••••••••••••••••
بـــــــــارت 1️⃣2️⃣
لزمتني طببتني ليجوة وراحت تبدل ومهيمن راح يحضر السيارة .. اخذوني ورحنا دكتوره على حسابنا، بس شافتني الدكتوره حجت بتفاجئ وابتسامه:
- اووي هاي شگدوتها وحامل؟ تعاي حبيبتي تقربي شنو بشهرج؟
گالتلها ماما: لا دكتوره بالسابع بس دتحس بالالام من الصبح
الدكتورة: تعاي ماما تمددي هنا شو، خلي افحصج
بدت تفحصني وهي معالم وجها كلها اتبدلت ،صاحت بماما :
الدكتوره: هاي ليش هيج عيوني؟ شنو ماعدكم خبز مزوجين هالطفلة!!
عندج علم نسبة 90% تخسرينها؟ رحمها صغييير بشكل ميتحمل حمل ولا طلوگ اصلا على اي سَـآعــهْْ ينفجر ادعي تكمل هالشهرين ع خير ..
خفت من حجي الدكتوره حييل وماما اباوع بوجها بين بيها الخوف وضلت كالساع سائلة الدكتوره شي وتستفسر .. كملت فحص گمت عدلت ملابسي ونزلت من السدية..
ضلت تحجي الماما تگوللها
- ع العموم راح اكتبلها ورقة حتى زوجها يوقعها بس تدخل بالتاسع گبل عملية رحمها ميتحمل طلوك ابد
اخذنا الورقة وكتبتلنا ادويه وطلعنا.. اباوع ماما تباوعلي بخوف وخضنتني الها وهي وتسب وتحجي على بابا ،اشترينا العلاج من الصيدلية واخذنا تكسي و رجعنا للبيت بالليل وماما بس شافت بابا انفجرت بيه حتى گامت تغلط نست روحها وهو بس ساكت، سولفتلهم على حجي الدكتوره والولد بقوا خايفين بس عود ميردون يخوفوني گعدوا يطمنون بيه.
صعدت لغرفتي راسلت مازن دزيت
💬هلوو
بقيت انتظر شوي ماكو رد، عفت الموبايل وگمت سبحت ومشطت شعري وخليت عطر شوي ارتاحيت، مددت ع الجرباية واني اتذكر كلام الدكتورة والخوف يدب بگلبي، شلون لو متت وبقه ابني يتيم؟
كلامها جان كُلش جدي من عصبيتها على ماما لدرجه حتى نست روحها وگامت تصيح بوجه ماما.
استغفرت الله وگُلت الي كاتبة الله يصير .. اجت على بالي رفولة يا الله شگد مشتاقتلها! ،من فرط مشاكلي وحياتي المخربطة حتى ناسية اقرالها قرآن هالفترة، وحتى صلاتي ما منتظمة بيها نوبات اگطع بيها، خاصه من ثگل الحمل صرت صعبه عليه ..
تذكرت مرة رفولة رزلتني رزاله ناشفة غسل ولبس شلون اقطع بصلاتي .. تگولي شنو هي لعبة عندج! يوم تصلين وعشره لا .. لو تلتزمين لو تعوفيها.
وانطتني محاضرة شطولها شعرضها وغصب عني استمع واني الممنونة لو اطيح حظي.
بيومها تونه نتعرف على بعض مو كُلش علاقتنه قوية ف سألتني:
أنت تقرأ
وأد القلوب
Actionقصة حقيـقيـه :بقلمي انا وردة خُزام في ازقة العاصمة بيوت ثرية وقلوبٌ مُحطمة ! هُنا لا مكان لحواء وكأنها نبذت مُنذ زمنٌ بعيييد فهل ستقاوم هذا النبذ؟ ام انها ستحط رحالها عند اول عثرة! #وأد_القلوب
