"وأد القلوب "
بقلمي: ورده خُزام
★★★★★★★★★★★
بــــــــارت 3️⃣4️⃣
فتحت المسج ودموعي جرن ...
(( اني خطيبته الهمام وانتي دتخربين علاقتنا اترجاج ابتعدي وعوفينا بحالنا..))
بمجرد ماقريت المسج حضرتني تخبلت عقل مابقى براسي، صورتله المحادثة ودزيتها خليته شافها وانطيته حضر.
گام يدك ع الرقم هم حضرته بس اتخبلت رسمي، حطيت المخدة ع حلگي وابجي بصوت عالي وخانگة صوتي لا انسمع. الليل بكبره مانمته يعني طول هالوقت جان مستغفلني ويلعب بمشاعري!
يلعب ع الحبلين وياي ووياهه!!
انوب خاطب خاااطب ويجي يخطبني؟
حسيته عقلي راح يوگف من التفكير شلون خاطب وشلون اجه خطبني؟؟
لل 10 الصبح اني ع فرد بجية واكل بروحي، ل 10 ونص نزلت جوه بعد ماتأكدت الكل طلع لدوامه
دخلت المطبخ اريد اسويلي گهوة لان راسي ع اي لحظة ينفجر من الوجع .. دااخليها ع النار واندك الباب
طفيت النار ورحت افتح الباب
صافنه بوجهي تستفسر حالتي عفتها وراي ودخلت
شهد: همام دزني عليج شصاير بينكم؟
شعلت الطباخ وخليت الگهوة عليه: لتجيبين طاري على السانج كلشي بيناتنا انتهى
دتحجي ورجع اندك الباب .. راحت تفتح واني طفيت الطباخ وقررت اصعد انام ادري بشهد تضل تلح واني كلمة وحدة مااتحمل
طلعت من المطبخ واباوع شهد داخله وهو وراهه وتگوله:
- تفضل همام للأستقبال محد موجود
عيوني صارت بگصتي اني الليل كلة بس اتمنى اشوفه گدامي املخه بأيدي تملييخ
هو تجاهلها واجه بأتجاهي: نازز اوگفي افهمج بدون خبال افهمي اول
هجمت عليه: ااانت چذااااب وحقيررررر
هز راسه: مقبوله منج بس خلي افهمج
لج وحق هي شريفه بنت الحسن هاي الي راسلتج جيهان
- ووخرر داگوولك امشي اطلع برره امشي داگولك ماريد اشووف وووجهك!
گمت ادفع بي ومتهستره اعصابي تلفت، ادفع بي وهو يگولي:
- ولج والله هاي جيهان زين هاج شوفي راح اتصل بيها واسمعي …
طلع تليفونه من اول رنه جاوبت
عاط بيها: احجييييي
گالت: ناز والله هاي اني حبيت اتشاقة وياج معبالي هيج توصل …
قطع الاتصال سده بوجهه: ها صدددگتي!
-لاااا مااصدگ هالدروب ماتمشي عليه انوب دخلت اختك حتى تلوفوها عليه؟ عاشت ايدك والله خووش ممثل!
حجت شهد: ناز اهدي شوي ماسمعتي اخته شگالت؟
صحت بيها: امشي انتي اطلعي برره لا انعل والدييييج
حجيتها والتفت عليه:
- لك حقيييييير انيييي تخووووني!! ،احجي والشهگة مجلبة مداتقبل تروح وحاجبه الكلام عني، رجعت كملت … بس بسيطة بسييييطة بس اصطبرلي، انت مو دتخوون؟بعييييني اني هم حسوي مثلك وانت كمل منين مابدييييت، بس حجيت هيج انهل عليه بالضرب راشديات ع بوكسات ع رفسات فقد فقددد بحيث كمت مااعرف الضرب منين يجيني، بعدها لزمني من شعري ووگفني طول بطول وياه وگال …
أنت تقرأ
وأد القلوب
Actionقصة حقيـقيـه :بقلمي انا وردة خُزام في ازقة العاصمة بيوت ثرية وقلوبٌ مُحطمة ! هُنا لا مكان لحواء وكأنها نبذت مُنذ زمنٌ بعيييد فهل ستقاوم هذا النبذ؟ ام انها ستحط رحالها عند اول عثرة! #وأد_القلوب
